समानुपातिकतर्फ उम्मेदवारहरुको सूचि सार्वजनिक ( हेर्नुहोस सुचि सहित)

१७ कार्तिक, हेटौँडा । निर्वाचन आयोगले मंसिरमा हुने प्रतिनिधिसभा सदस्य तथा प्रदेशसभा सदस्य चुनावका लागि समानुपातिकतर्फ दलहरुले पेश गरेको बन्द सूचि सार्वजनिक गरेको छ ।
समानुपातिकतर्फ विभिन्न राजनीतिक दलहरुका तर्फबाट ६ हजार ९४  जना उम्मेदवार बनेका छन् । उम्मेदवारमा अधिकांस महिला छन् । महिला ३ हजार ४ सय ६ सय जना र पुरुष २ हजार ६ सय ८६ जना र अन्य अर्थात तेश्रोलिंगी दुई जना समानुपातिक उम्मेदवार बनेका छन् ।
आयोगका अनुसार समानुपतिकतर्फ आदिबासी पुरूष ७ सय ८३, महिला ९ सय ३१ र एक जना तेश्रो लिंगी छन् । यस्तै खस आर्यतर्फ पुरूष ८ सय ६७ र महिला ९ सय ९७ जना छन् । यस्तै थारू पुरूष १ सय ५८ र महिला २ सय ६२, दलित पुरूष ३ सय ४२ र महिला ४ सय ९६, मधेशी पुरूष ४ सय ५५ र महिला ५ सय ६३, मुस्लिम पुरूष ८१ र महिला १ सय ५७ छन् । यसैगरी, अपाङ्गता भएका पुरूष १ सय ५८, महिला १ सय १५ र अन्य १ तथा पिछडिएका क्षेत्रका पुरूष १ सय ७ र महिला १ सय २२ जना छन् ।
प्रतिनिधिसभा तथा प्रदेशसभा चुनावका लागि आयोगमा दर्ता भएका ८८ दलमध्ये समानुपातिक निर्वाचन प्रणालीतर्फ प्रतिनिधिसभा सदस्यका लागि ४९ र प्रदेशसभा सदस्य निर्वाचनका लागि ५३ दलले बन्दसूचि बुझाएका थिए ।

समानुपातिकको सुचि हेर्न यहाँ क्लिक गर्नुहोला