राहत र उद्धारमा जुट्न गृहमन्त्रीको निर्देशन

फाइल तस्विर

१८ साउन, काठमाडौं । गृहमन्त्री खाँणले सप्तकोशी कटानबाट प्रभावित बस्तीका नागरिकलाई उद्धार एवं उद्धारका लागि गृहमन्त्री बालकृष्ण खाँणले निर्देशन दिएका छन् ।
गृहमन्त्री खाँणले गृहसचिव टेकनारायण पाण्डे, राष्ट्रिय विपद् जोखिम न्यूनीकरण तथा व्यवस्थापन प्राधिकरणका प्रमुख कार्यकारी अधिकृत अनिल पोखरेल, उदयपुरका प्रमुख जिल्ला अधिकारी वीरेन्द्रकुमार यादव, प्रदेश १ का प्रहरी प्रमुख प्रहरी नायब महानिरीक्षक सुदीप गिरी, प्रदेश नं १ का सशस्त्र प्रहरी बलका प्रमुख नायब महानिरीक्षक कमलप्रसाद गिरी, उदयपुर प्रहरी प्रमुख प्रहरी उपरीक्षक बोहोरा, उदयपुर सशस्त्र प्रहरी प्रमुख प्रहरी उपरीक्षक कृष्ण अधिकारी लगायतलाई उद्धार, राहत र अस्थायी बासस्थानको व्यवस्था गर्न निर्देशन दिएका हुन् ।
मन्त्री खाँणले त्यसका लागि आवश्यक सहयोगका लागि मन्त्रालयमा जानकारी गराउनसमेत निर्देशन दिएका छन् । उदयपुर गृह जिल्ला भएका परराष्ट्रमन्त्री डा. नारायण खड्कासँग समेत मन्त्री खाँणले उद्धार र राहतबारे छलफल गरेका छन् ।
उदयपुरको बेलका नगरपालिका १, २, ८ र ९ मा सप्तकोसी नदीले कटान गरेको छ । सप्तकोसीको पानीको बहावले अहिले करिब ५० मिटरजति जमिन कटान गरिसकेको र विभिनन वडा डुवानको मारमा परेको बताइएको छ ।