हेटौंडा-७ न्युरेनी स्थित पशुपति मन्दिरमा वृक्षारोपण

२१ साउन,हेटौंडा। हेटौंडा उपमहानगरपालिकाको "सफा हेटौंडा अभियान" अन्तर्गत आज शनिबार हेटौंडा वडा नम्बर-७ न्युरेनी चिसापानीमा रहेको पशुपति मन्दिर क्षेत्रमा वृक्षारोपण गरिएको छ। 
हेटौँडालाई सफा राख्ने कार्यक्रम हेटौंडा उपमहानगरपालिकाको आयोजना तथा टोल बिकास संस्था नगर समन्वय समितीको समन्वयमा   हेटौंडा ७ मा रहेका पर्यटकिय स्थल शिव मन्दिर क्षेत्र बृहत बृक्षारोपण एवं सरसफाइ कार्यक्रम सप्पन्न गरिएको हो। उक्त कार्यक्रम अन्तर्गत विभिन्न प्रजातिका २०० वटा फलफूलका विरुवा रोपिएको थियो। 

हेटौंडा उपमहानगरपालिका नगर प्रमुख मिना कुमारी लामाको प्रमुख् आतिथ्यतामा भएको कार्यक्रममा हेटौंडा-७ का वडाध्यक्ष दामोदर गौतम,हेटौंडा १० का अध्यक्ष तथा वाताबरण समितिका संयोजक फुर्वादोर्जे लामा,७ नम्बर वडासदस्यहरु सन्तुमाया पाख्रिन,राधिका विक,दिनेश थापामगर,श्यामसुन्दर परियार, टोल विकास संस्था हेटौंडानगर समन्वय अध्यक्ष धुव्र अधिकारी, टोल विकास हेटौंडानगर समन्वय समिति सदस्य तथा किरणचोक टोल विकास समिति अध्यक्ष राजु अधिकारी, संगालो टोल विकास संस्था अध्यक्ष वेद प्रसाद भट्टराई,पशुपति मन्दिर संरक्षण समिति अध्यक्ष कृष्ण प्रसाद घिमिरे लगायत विभिन्न संघ संस्थाका प्रतिनिधि,नगर प्रहरी तथा स्थानीयहरुको सहभागिता रहेको थियो।त्यसैगरी सोही अभियान अन्तर्गत हेटौंडा -१८मा पनि वृक्षारोपण गरिएको छ।प्रत्येक शनिबार दैनिक २ घण्टा वृक्षारोपण तथा सरसफाई कार्यक्रम अन्तरगत आज हेटौंडा-७,१८  र दिउँसो हेटौंडा- १९ मा ५०० विरुवा रोपिने नगर प्रमुख लामाले बताइन।