बाम गठबन्धनहरुको एकताले कुनै असर गर्दैनः डीना

 २३ कार्तिक,हेटौँडा ।काँग्रेस केन्द्रीय सदस्य एवं प्रतिनिधिसभा सदस्य क्षेत्र नम्बर २ का उम्मेदवार महालक्ष्मी उपाध्याय डीनाले लोकतान्त्रीक गठबन्धनलाई बाम गठबन्धनहरुको एकताले कुनै असर नगर्ने बताएकी छिन ।

मकवानपुर  क्षेत्र नम्वर २  ईन्द्रसरोवर गाउपालिका वडा नम्वर २,३,४ र ५ मा काँग्रेसको निर्वाचन प्रचार प्रसार समितिको सम्पर्क वडा कार्यालय उद्घाटन गर्दै यसो बताएकी हुन । उनले बाम गठबन्धनहरुको  लहैलहैमा नलागी काँग्रेसको पक्षमा मत दिन मतदातालाई अनुरोध गरेकि छिन ।
 त्यसैगरी  सम्पर्क वडाको  कार्यालयको उद्घाटन सहित नेपाल महिला सघं को ईकाइ समिति गरिएको छ । गठित ईकाइ समितिको सभापतिमा चिनिमाया राना मगर ,उप सभापतिमा बिमला वाईबा, सचिवमा सम्झना राना, कोषाध्यक्षमा सेतिमाया मोक्तान, सह सचिव मा मिना वस्ताकोटि सहित  ११ सदस्यिय कार्य समितिको गठन गरिएको तरुण दल महाधिवेसन प्रतिनिधी राजेश भेटवालले जानकारी दिए  । 

कार्यक्रममा  उपाध्याय सहित प्रतिनिधिसभा सदस्य क्षेत्र नम्बर २ क का प्रदेश सभा सदस्य उम्मेदवार यतिराज सापकोटा, पार्टिका निवर्तमान सभापति रघु रमन न्यौपाने  प्रदेश सभा क का निर्वाचन परिचालक जयराम लामिछाने क्षेत्र नम्वर २ का निर्वाचन  प्रचार प्रसार समितिका प्रतिनिधि सभाको प्रदेश सह सयोंजक रामजि न्यौपाने लगायतले  मन्तव्य व्यक्त गरेका थिए ।