विज्ञान शिक्षक समाज मकवानपुर गढीमा यादवको नेतृत्व

११ भदौं, हेटौंडा ।  मकवानपुरगढी गाउँपालिका– ३, गढीमा रहेको भानु माविका विज्ञान शिक्षक दिपेन्द्रप्रसाद यादवको अध्यक्षतामा मकवानपुर गढी गाउँपालिका विज्ञान शिक्षक समाज गठन भएको छ । 
शुक्रबार भएको विज्ञान शिक्षकहरुको पालिका स्तरीय भेलाले यादवको अध्यक्षतामा विज्ञान शिक्षक सामाज गठन गरको हो । भेला आयोजक समितिका संयोजक दिपेन्द्रप्रसाद यादवको सभाध्यक्षताभा भएको कार्यक्रममा गाउँपालिका अध्यक्ष दोर्जे लामाको प्रमुख आतिथ्यता रहेको थियो ।
विज्ञान शिक्षक समाज मकवानपुरका सचिव सुवास खनाल संयोजक एवं राधेलाल मण्डल र राजु गौतम सदस्य रहेको निर्वाचन मण्डलले विज्ञान शिक्षक यादवलाई अध्यक्षमा सर्वसम्मत चयन गरेको हो । समितिको उपाध्यक्ष अनिता नहर्की, सचिव सञ्जय कुमार राउत, सहसचिव देवेन्द्र गोले, कोषाध्यक्ष धर्मेन्द्र प्रसाद यादव चयन भएका छन् ।
यस्तै समितिको सदस्यहरूमा सरस्वती काफ्ले, अजय मुखिया, रामचन्द्र सुवेदी, पवन रायमाझी र सल्लाहकारहरूमा गोविन्द प्रसाद भुषाल, जीवन तिमल्सिना, लोकराज घिमिरे र मधुप्रसाद अधिकारी चयन भएको जिल्ला सचिव सुवास खनालले जानकारी दिए ।
विज्ञान शिक्षक जीवन तिमल्सिनाले सहजिकरण गरेको कार्यक्रममा समाजका जिल्ला अध्यक्ष खेमराज लामिछाने, सचिव सुवास खनाल, भानु माविका प्रधानाध्यापक राजेन्द्र थापा लगायतले शुभकामना मन्तव्य गरेका थिए । 
कार्यक्रममा जिल्ला कार्यसमिति उपाध्यक्ष भरतप्रसाद पोखरेल, सहसचिव नितेश ठाकुर, कोषाध्यक्ष मनिल कर्ण, सदस्य मधुसुदन हुमागाईँ लगायतको उपस्थिति रहेको थियो ।