हेटौंडामा मोटरसाइकल ट्रकसँग ठोक्कियो,सेनाको जवानको मृत्यु

१२ भदौं,हेटौंडा। पुर्व पश्चिम राजमार्ग अन्तर्गत हेटौंडा-९ एचआइडिमा मोटरसाइकल ट्रकसँग ठक्करखादा मोटरसाइकलमा सवारी एक महिलाको मृत्यु भएको छ। मृत्यु हुनेमा नेपाली सेनाको महिला जवान रहेको बुझीएको छ। 
पूर्ब–पश्चिम सडकखण्डमा हेटौंडाबाट बारा तर्फ जादै  गरेको ग २२ प ६१३ नम्बरको मोटरसाइकल दुर्घटना हुँदा मोटरसाइकल सवार नेपाली सेना राजदल गण खैरहनीटार तनहुमा कार्यरत  २५ बर्षीया श्रृजना बि क रहेको  जनाइएको छ। मोटरसाइकलका एकै परिवारका सदस्य सवार रहेको प्रहरीले जनाएको छ। 
मोटरसाइकल सोही दिसा तर्फ जादै गरेको  ना ४ ख ९६०३ नम्बरको ट्रक लाई ओभरटेक गर्ने क्रममा अनियन्त्रीत भई ट्रकमा ठोकिन गई दुर्घटना भएको मकवानपुर प्रहरी प्रवक्ता प्रहरी नायब उपरीक्षक टेक बहादुर कार्कीले जनाएको छ।दुर्घटनाग्रस्त मोटरसाइकलका चालक पर्सा ठोरी गापा-२ घरभई नेपाली सेना राजदल गण खैरहनीटार तनहुमा कार्यरत २९  बर्षीय आदर्श बि क  र उनका ५ वर्षीय आशिक बि क घाइते रहेको जनाइएको छ।मृतक विकको उपचारको क्रममा हेटौंडा अस्पतालमा ज्यान गएको प्रहरीले जनाएको हो ।ट्रक तथा चालक भने इलाका प्रहरी कार्यालय पशुपतिनगरको नियन्त्रणमा रहेको जनाइएको छ।