बालजागृति स्कुलमा खाना महोत्सवको आायोजना

६ असोज, हेटौंडा । हेटौंडा उपमहानगरपालिका वडा नम्बर २ मा रहेको बालजागृति इं. सेकेण्डरी स्कुलले विद्यालयमा दशैं तिहार चाडपर्व लक्षित खाना महोत्सवको आयोजना गरेको छ । 
विद्यालयमा अध्यनरत विद्यार्थीहरुको सहभागितामा पारम्पारिक खाना महोत्सवको आयोजना गरिएको विद्यालयका प्रिन्सिपल विनोद सुवेदीले जानकारी दिए । खाना महोत्सवमा विद्यालयका कक्षा सात देखि कक्षा दशसम्म अध्ययनरत विद्यार्थीहरुको सहभागिता रहेको थियो ।
महोत्सवमा नेपाली पारम्पारिक खानाहरु गिठ्ठा, भ्याकुर, कोदोको रोटी, फापरको फुलौरा, मकै गुन्द्रक, आलु टिक्का, केराको चिप्स, चिउरा, आलु, अचार नास्ता, खिर पुरी तरकारी लगाएतका परिकारहरु रहेका थिए । 
यसैगरी नेवारी खाजा योमरी, बारा जस्ता परिकारले बिद्यार्थीहरुको मन जित्न सफल भएको विधालयका प्रिन्सिपल सुवेदीले बताए । खाना महोत्सवमा विभिन्न कक्षामा अध्ययनरत विद्यार्थी सहित अभिभावकहरुको समेत सहभागिता रहेको थियो ।
उक्त अवसरमा नवलपुर गैडाकोटमा रहेको गैंडाकोट इङ्गलिस स्कुलबाट मैत्रीपूर्ण भ्रमणका लागी आएका विद्यालय परिवारलाई बालजागृतिमा स्वागत गर्नुका साथै विद्यालयका गतिविधिका बारेमा जानकारी गिराइएको प्रिन्सिपल सुवेदीले जानकारी दिए ।