मुनलाइट इन्टरनेशनल स्कुलको अभिभावक भेला सम्पन्न

६ कार्तिक,हेटौंडा। हेटौंडा-६ चौघडा शान्तिटोलमा रहेको मुनलाइन इन्टरनेशनल स्कुलले आफ्नो १५ अभिभावक भेला तथा सांस्कृतिक कार्यक्रम आइतबार सम्पन्न गरेको छ। 
विद्यालयका अध्यक्ष वासुदेव सापकोटाको सभाध्यक्षतामा भएको भेला तथा सांस्कृतिक कार्यक्रममा हेटौंडा उपमहानगरपालिकाका उपप्रमुख राजेश बानियाँको प्रमुख आतिथ्यता रहेको थियो।कार्यक्रममा हेटौंडा-६ का वडाध्यक्ष बिष्णु बहादुर दाहाल, विद्यालयका निर्देशक भरत सापकोटा,प्याब्सन मकवानपुर अध्यक्ष विनोद सुवेदी,कामधेन बहुउद्धेश्यीय सहकारीका अध्यक्ष उदय विडारी, रानी सामुदायिक वनका उपाध्यक्ष केशव धिताल लगायतले मन्तव्य व्यक्त गरेका थिए। 
कार्यक्रममा विद्यालयका विद्यार्थीहरुले कविता,नृत्य,नाटक एव सांस्कृतिक कार्यक्रम प्रस्तुत गरेका थिए भने विद्यालयको बार्षिक परीक्षा तथा अतिरिक्त कृयाकलापमा उत्कृष्ट हुने विद्यार्थीलाई सम्मान र पुरस्कृत गरिएको थियो। कार्यक्रममा पत्रकार महासंघ वागमती प्रदेश उपाध्यक्ष रुपेश दुलाल,फेकोफन मकवानपुर अध्यक्ष साधुराम चौलागाई,विद्यालय शिक्षक अभिभावक संघका अध्यक्ष  कृष्ण सापकोटा, पिटिए सदस्य विदुर धिताल,सुशिला उप्रेती,देवी श्रेष्ठ,प्रहरी चौकी चौघडाका प्रमुख प्रहरी नायव निरीक्षक रामशरणा दुलाल,शिक्षक किशोर न्यौपाने,संचारकर्मी भिमसेन पौडेल लगायतको उपस्थिती रहेको थियो। कार्यक्रममा कामधेनु बहुउद्धेश्यीय सहकारी अध्यक्ष उदय विडारीमा विद्यालयमा अध्यययनरत गरिब तथा जेहेन्दार विद्यार्थीहरुलाई ५ हजार बराबरको स्टेश्नरी सामग्री प्रदान गरेका उदघोष गरेका थिए।