युवा उमेरले मात्र होइन, बिचार, सिद्धान्त र एजेण्डाले हुन्छः लामा

९ कार्तिक, हेटौंडा । नेकपा (माओबादी केन्द्र) थाहा नगर कमिटि अध्यक्ष बिनोद कुमार लामाले युवा उमेरको आधारमा होइन बिचार, सिद्धान्त र उसले बोकेको एजेण्डाको आधारमा हुने बताएका छन् ।
दिपावली, न्हुदयाँ भिन्तुना, छठ पर्व लगायत बिभिन्न चाडपर्बहरु को उपलक्ष्यमा शुभकामना ब्यक्त गर्दै अध्यक्ष लामाले नेकपा एमालेले फैलाएको जस्तो युवा उम्मेद्वारको भ्रममा नपर्न आम मतदाता समक्ष लामाले आग्रह गरेका छन् । 
उनले आगामी मंसिर ४ गते हुने प्रतिनिधि सभा तथा प्रदेशसभा निर्वाचनमा मकवानपुरको संघिय निर्वाचन क्षेत्र नं. २ मा  युवा उम्मेद्वारको हैवा फैलाईएको बताए । केपि ओलीको प्रतिगामी एजेण्डासहित मृत राजतन्त्रलाई काँधमा बोक्ने ४१ बर्षिय बर्तौला भन्दा गणतन्त्र, संघीयता, समाबेशिताको लागि ओलीको प्रतिगमन विरुद्ध बिद्रोह गर्ने ६४ बर्षिय बिरोध खतिवडा नै युवा भएको लामाको दावी छ ।
गठबन्धनमा सहभागी सबै दलको कार्यकर्तालाई निर्वाचन आफ्नो दलको बिचार र एजेण्डा आम जनता बिच लगि संगठन बिस्तार गर्ने राम्रो अवसर भएको लामाले बताए । उनले  आफ्नो नेतृत्व स्थापित गर्ने र आफ्नो कार्य दक्षता देखाउने अवसर भएकोले दलको बिचार मतदाता स्तरमा पुर्याउदै गठबन्धनका उम्मेद्वारहरुलाई बिजयी गराउने समेत लामाले आग्रह गरे ।
अध्यक्ष लामाले आफ्नो पार्टी माओबादी केन्द्रका कार्यकर्तालाई यो निर्वाचन अभियानमा दत्तचित्त भई लाग्न अनुरोध गरे । उनले अहिलेको निर्वाचनमा पुर्याएको योगदानको उचित कदर गरिने समेत आश्वसन दिए ।