गठबन्धनको हेटौंडा–७ मा चुनाव प्रचार कार्यालयको उद्घाटन

१४ कार्तिक, हेटौंडा । आसन्न प्रतिनिसभा तथा प्रदेशसभा सदस्य निर्वाचनका लागि हेटौंडा उपमहानगरपालिका वडा नम्बर ७ मा लोकतान्त्रिक बाम गठबन्धनको चुनाव प्रचार प्रसार कार्यलय उदघाटन गरिएको छ । 
सोमबार बिहान हेटौडा संघ र प्रदेशको निर्वाचनमा लोकतान्त्रिक–बाम गठवन्धनको चुनाव प्रचार प्रसार कार्यालय उदघाटन नेपाली कांग्रेसकी केन्द्रीय सह–महामन्त्री एवं मकवापुर क्षेत्र नम्बर १ की उम्मेद्ववार मंहालक्ष्मी उपाध्याय (डिना)ले संविधान र प्राप्त उपलब्धिको रक्षाका लागी लोकतान्त्रिक गठबन्धन नेतृत्व सरकार अपरिहार्य रहेको बताईन् । उनले व्यवस्था र संविधान मास्नेहरु मौलाउन खोजेको बताउँदै तिनलाई रोक्न गठबन्धन गरिएको दावी गरिन । डीनाले गठबन्धनको उद्देश्य पवित्र रहेको उल्लेख गर्दै नेतृ डीनाले जित सुनिश्चित रहेको पनि बताईन् ।
यसैगरी कार्यक्रममा प्रदेशसभा १ को ख क उम्मेदवार आनन्दराम पराजुलीले जनताको मन जित्ने काम आफुले गर्ने बताउदै एकपटक अवसर दिन आग्रह गरे । २०७४ को स्थानीय तहमा हेटौंडा नगरवासीले माया गरेको स्मरण गराउँदै प्राविधिक रुपमा आफु मेयरमा पराजित भएको तर जनताको माझमै क्रियासिल रहेको बताए । उनले अब प्रदेश सभामा अवसर दिएर जनताको सेवा गर्ने अवसर दिन पनि आग्रह गरे ।
कार्यालय स्थापना गरिएसंगै निर्वाचन आयोगको आचार संहित अनुसार प्रचार प्रसार कार्यक्रम सार्वजनिक गरिने हेटौंडा–७ का लोकतान्त्रिक–बाम गठवन्धन चुनाव प्रचार प्रसार संयोजक चेत प्रसाद(अर्जुन) गौतमले बताएका छन् ।