प्रधानमन्त्री कप पुरुष क्रिकेटमा लुम्बिनी र गण्डकी विजयी 

१७ कार्तिक, हेटौंडा । प्रधानमन्त्री कप एकदिवसीय पुरुष क्रिकेट प्रतियोगितामा लुम्बिनी र गण्डकी प्रदेश विजयी भएका छन् । मुलपानी क्रिकेट मैदानमा बुधबार भएको पहिलो खेलमा बागमती प्रदेशलाई ८ विकेटले हराउँदै लुम्बिनीले सुखद सुरुवात गरेको हो । 
बागमतीले दिएको १ सय ५५ रनको लक्ष्य लुम्बिनीले ३५ ओभर ४ बलमा मात्र २ विकेट गुमाएर पूरा ग¥यो । त्यसअघि टस जितेर पहिले ब्याटिङ गरेको बागमतीले ३८ ओभर १ बलमा अलआउट हुँदै १ सय ५४ रन बनाएको थियो । 
जितसँगै लुम्बिनीले १ खेलमा २ अङ्क जोडेको छ । समूह ‘बी’ मा रहेको लुम्बिनी दोस्रो स्थानमा रहेको छ । बागमती भने ३ खेलमा अङ्कबिहीन रहँदै प्रतियोगिताबाटै बाहिरिएको छ । 
बुधबारनै भएको अर्को खेलमा गण्डकी प्रदेशले लगातार दोस्रो जित निकालेको छ । टियु क्रिकेट मैदानमा भएको खेलमा कर्णाली प्रदेशलाई ३२ रनले हराउँदै गण्डकीले लगातार दोस्रो जित निकालेको हो ।
गण्डकीले दिएको २ सय ९ रनको लक्ष्यसहित जवाफी ब्याटिङ गरेको कर्णालीले ४७ ओभरमा अलआउट हुँदै १ सय ७६ रन बनाउन सक्यो ।त्यसअघि टस हारेर पहिले ब्याटिङ गरेको गण्डकी प्रदेशले ५० ओभरमा ९ विकेट गुमाएर २ सय ८ रन बनाएको थियो । 
जितसँगै समूह ‘ए’ को गण्डकी २ खेलमा ४ अङ्क जोडेर दोस्रो स्थानमा रहेको छ भने कर्णालीले हारबाट प्रतियोगिताको सुरुवात गरेको छ ।