Email :- prastakhabar@gmail.com
Ghatna-Darta-Adv-Manahari-1688788486.jpg

राजनीति

परेवाभिरको सडक कालोपत्रे गर्छु, गाँजा बैधानिक गर्ने कानूनी प्रक्रियामा जुट्छुः बानियाँ 

indra-baniya-1668686093.jpg

मकवानपुर क्षेत्र नम्बर २ (ख) को चुनावी मैदानमा छन्, नेपाली कांग्रेस बागमती प्रदेशका सभापति ईन्द्रबहादुर बानियाँ । यसअघि पनि गृह राज्यमन्त्री, संस्कृति, पर्यटन तथा नागरिक उड्डयन राज्यमन्त्रीको जिम्मेवारी सम्हालिसकेका उनी बागमती प्रदेशसहित आफ्नो भुगोलमा विकासको एजेण्डा बोकेर चुनावी अभियानमा छन् । ५ बर्ष नेपाली कांग्रेस बागमती प्रदेश संसदीय दलको नेताको अनुभव बटुलिसकेका बानियाँलाई भावी मूख्यमन्त्रीको रुपमा प्रस्तुत गरिएको छ । चुनावी अभियान, विकासको अवधारणा लोकतान्त्रिक बाम गठबन्धनको औचित्य र आवश्यकता लगायतको विषयमा इन्द्रबहादुर बानियाँसंग गरिएको कुराकानी:

दुई साता लामो घरदैलो अभियानको समापन गर्नुभएको छ, मतदाताको अपेक्षा के छ ?
उत्साहजनक ढंगले चुनावी घरदैलो र मतदाता भेटघाट अभियानलाई सम्पन्न गरिएको छ । यो अवधीमा मतदाताहरुले देखाउनु भएको माया र सदभावले मलाई थप उर्जा थपेको छ । यसका लागि म उहाँहरुप्रति आभार व्यक्त गर्दछु । मनहरी, राक्सिराङ र कैलाश गाउँपालिका र हेटौंडाको वडा नम्बर ३ र १९ का मेरा मतदाता र शुभेच्छुकहरुले चुनावी अभियानमा देखाउनु भएको उत्साहको म उत्च सम्मान गर्न चाहन्छु । गठबन्धनका सहयात्री दलका सबै तहका नेता कार्यकर्ताको उत्तिकै सहभागिता रह्यो । म प्रति जनताको आशा, भरोसा र विश्वास जोडिएको छ । स्थानीयस्तरमा आफैं पनि सर्र्वसाधारणले मेरो पक्षमा मत मागरिरहनु भएको पाएँ, त्यसले पनि म प्रतिको उहाँहरुको विश्वास र समर्थन दर्शाउँछ । आम मतदाताको आत्मविश्वास नै मेरो अमूल्य सम्पत्ति हो, त्यसैले आगामी निर्वाचनमा मेरो पक्षमा मतदाताले मत खसाल्नेमा म ढुक्क छु । अभियानका क्रममा देखाउनु भएको उत्साहलाई मतमा बदल्न सबैलाई आग्रह गर्दछु ।

तपाईको निर्वाचन क्षेत्रका मुद्धाहरुलाई कसरी चुनावी अभियानका क्रममा सम्बोधन गर्नुभयो ? 
मैले मेरो निर्वाचन क्षेत्रका मतदाताहरुका समस्यालाई मिहिन ढंगले जानकारी लिएको छु । मतदाताहरुले चुनावी अभियानका क्रममा उहाँहरुले केही समस्या र सुझाव राख्नु भएको छ । उहाँहरुको विशेष चासो पूर्वाधार विकास र आर्थिक सुधार नै हो । यस क्षेत्रको जीवनस्तर सुधारका लागि विकासका पूर्वाधारहरु सडक, खानेपानी, शैक्षिक संरचनासहित आयआर्जनमार्फत आयस्तर बृद्धिका मुद्धा नै मेरो मुल मुद्धा हो भन्ने उहाँहरुलाई बुझाएको छु । त्यस क्षेत्रको बाह्रै महिना यातायात संचालन हुने सडक, शिक्षामा गुणस्तरीय पूर्वाधार र जनशक्तिको व्यवस्था, स्वास्थ्यमा सहज पहुँच, विपन्न परिवारको निःशुल्क विमा, स्थानीय स्तरमै रोजगारी र स्वरोजगार हुने अवसर लगायतका विषयमा हामीले त्यस क्षेत्रका मतदातामाझ प्रतिबद्धता जनाएको छु । पूव मूख्यमन्त्री डोरमणि पौडेलले बन्नै सक्दैन भनेको परेवाभिरमा हामीले सडक बनाएर यातायात संचालन भएको छ, त्यसलाई कालोपत्रे गर्ने काम गर्ने प्रतिवद्धता जनाएको छु । विभिन्न खोला र खहरेमा पुल निर्माणको आवश्यकता छ, त्यसको काम अघि बढाउने मतदाताहरुमाझ प्रष्ट राखेको छु । मेरो क्षेत्र भएर छिमेकी जिल्ला जोड्ने सडक निमार्णको विषयमा उहाँहरुलाई अवगत गराएको छु । समग्रमा भन्दा उहाँहरुका समस्या बुझ्ने र सुझाव लिने यसका साथै आफ्ना योजना उहाँहरुलाइृ जानकारी दिने काम भएको छ ।

गाँजालाई बैधानिकता गर्ने कुरा गर्नुभएको छ नि ?
मकवानपुरको पश्चिमी भेग गाँजा खेती हुन्छ भन्ने थाहै छ । राज्यले यसलाई गैरकानूनी कार्यको रुपमा मानेको छ । तर पछिल्लो समय विश्व स्वास्थ्य संगठनले यसलाई औषधीजन्य वनस्पतिको रुपमा लिईसकेको छ ।  नेपालमा भने यसलाई कानूनी रुपमै अवैध मान्नुको औचित्य अब सकियो । यसलाई खुला छोड्नुपर्छ भन्ने होइन तर, बैधानिक गरी व्यवस्थित खेती गरेर औषधिको रुपमा प्रयोग गर्न विदेश निर्यात गर्नुपर्छ । 
गाँजा बैधानिकता गर्न कानून निर्माण गर्न हामी लाग्नेछौं । जीविकोपार्जनका लागि गाँजा ओसारपसार गर्दा त्यस भेगका धेरै नागरिक कारागारमा पुगेका छन् । त्यस क्षेत्रमा भुगोलमा अन्य खेती समेत राम्रो नहुँदा जीविकोपार्जन गर्नका लागि गाँजा खेति गर्ने किसान र ओसारपसारमा संलग्न सोझा नागरिक जेल पुग्नुपर्ने अवस्थाको अन्त्य हुनुपर्छ भन्ने हाम्रो धारणा छ । कानूनी ढंगबाटै यसको निरुपणका लागि हाम्रो पहल हुन्छ । 
तर गाँजालाई बैधानिक गर्ने भन्दैमा किराना पसल, पान पसल, तरकारी पसलमा पाइने अन्य सामग्री झैं गाँजाको बिक्री वितरण सहज भने हुँदैन । यसलाई राज्यको निगरानीमा व्यवस्थित खेती गर्दै औषधीजन्य प्रयोजनका लागि स्वदेशमा प्रशोधन गरी विदेश निर्यात गरेर बैदेशिक मुद्रा आर्जन गर्नुपर्छ भन्ने हाम्रो धारणा हो । गाँजा खेती मात्रै हैन यस क्षेत्रमा अन्य नगदेबालीमा हाम्रो निरन्तर जोड रहनेछ र यसको राज्यबाट नीतिगत सहयोग जुटाईनेछ । हाम्रो मूख्य चासो त्यस क्षेत्रका नागरिकलाई आर्थिक समृद्धिसंग जोड्ने हो, यो हाम्रो प्राथमिकतामा रहनेछ ।

दोस्रो पटक पनि तपाईलाइ मतदाताले मतदान गर्नुपर्ने कारण के छ ?
जीवनयापनका लागि मेरो पेशा व्यवसाय छ, म राजनीतिलाई पेशा बनाउने कुराको विरोधी हुँ । म जनताको सेवाका लागि राजनीतिमा आएको हुँ, त्यो मेरो विगतदेखि वर्तमानसम्मको कर्मले देखाउँछ । म सधैं जनताको व्यक्तिगत सुखदुःख, सामाजिक हित र भूगोलको विकासमा जोडिएको छु । मैले सडक, पूर्वाधार, शिक्षा, स्वास्थ्य, रोजगारीका लागि राज्यस्तरमा पहल गरेर धेरै काम गरेको छु , राज्यस्तरबाट हुन नसकेको अवस्थामा आफ्नो नीजि लगानीमा पनि काम गरेको छु । कोरोनाको समयमा मैले त्यस भेगका विपन्न समुदायको चुल्हो बन्द हुन नदिन दैनिक उपभोग्य सामग्री लिएर गएको छु । जाडोमा समस्या नहोस् भनेर सिरक र न्यानो कपडा लिएर पुगेको छु । यो सबै मेरा आदरणीय मतदाताले देख्नु भएको छ । अहिले गठबन्धनको समेत साथ रहेको छ । जनताको व्यक्तिगत समस्यादेखि विकासका काममा समेत प्रत्यक्ष जोडिएर काम गरिरहेकोले पनि मेरा मतदाता मलाई मतदान गर्न आतुर हुनुहुन्छ, म पनि उहाँको निरन्तर सेवाका लागि प्रतिवद्ध छु । 

मंसिर ४ गते मतदान गर्न तयार रहनु भएका मतदातालाई तपाईको आग्रह के छ ?
मंसिर ४ गते हुने प्रदेश र प्रतिनिधिसभा निर्वाचनमा सहभागिताका लागि म सम्पूर्ण मतदाताहरुमा आग्रह गर्न चाहन्छु । निर्वाचन सम्पन्न गराउन सहयोग गर्नु हामी सबैको दायित्व पनि हो । मतदानमा खटिने सम्पूर्ण कर्मचारी र सुरक्षाकर्मीहरुलाई म ढुक्क भएर मतदान सम्पन्न गर्नेतर्र्फ लाग्नु होला भन्ने सुझाव दिन चाहन्छु । मतदान आत्मदान भएकाले सही व्यक्तिको छनौट यहाँहरुले अवश्य गर्नुहुनेछ । अहिलेको मतदानले ५ बर्ष र त्यसपछिसम्मका लागि कस्तो नीति, कस्तो नेतृत्व र कस्तो विकासको मोड अघि बढ्छ भन्ने तय हुने भएकाले विवेकपूर्ण ढंगले मतदानका लागि मेरो विनम्र अनुरोध छ । म मेरा आदरणीय मतदाताहरुलाई विगतमा गरेको काम र मैले अघि बढाएको विकासको एजेण्डा अनुसार समग्र बागमती प्रदेश र मकवानपुर क्षेत्र नम्बर २ (ख) को विकासका लागि आफ्नो अमूल्य मतको लागि अपिल गर्दछु । म यहाँहरुको सेवकको रुपमा रहनेछु ।


समाचार मन परे लाईक गर्नुहोस्



Ghatna-Darta-Adv-Kailash-1686118720.jpg

Ghatna-Darta-Notice-Htd-6-1688259813.jpg
Adv-Ghatna-Darta-Htd7-1705218069.jpg
Ghatna-Darta-Notice-Htd-1-1665992031.jpg
मुख्यमन्त्री जम्मकटेलद्वारा वडा प्रहरी कार्यालय हेटौंडाको भवन उद्घाटन
Screenshot_20240228_14152-1709109233.jpg

१६ फागुन,हेटौंडा । २०७८ बैशाख २७ गते शिलान्यास भएको हेटौंडा-४ हुप्रचौरमा वडा प्रहरी कार्यालयको नवनिर्मित भवनको...

नेदरल्याण्डसद्वारा नेपाललाई १८५ रनको लक्ष्य
Can-1709106993.jpg

१६ फागुन,काठमाडौँ । त्रिकोणात्मक टी-२० सिरिजको दोस्रो खेलमा नेदरल्याण्डसले नेपाललाई १८५ रनको लक्ष्य दिएको छ...

सुनचाँदीको मूल्य घट्यो
Gold1-1709105489.jpg

१६ फागुन,काठमाडौँ । नेपाली बजारमा बुधबार सुनचाँदीको मूल्य घटेको छ । सुन प्रतितोला एक सय र चाँदी ५ रुपैयाँ घटेको...

माओवादीले राष्ट्रियसभा अध्यक्षमा उम्मेदवारी दिने
Moist-1709105187.jpg

१६ फागुन, काठमाडौँ । नेकपा माओवादी केन्द्रले राष्ट्रियसभा अध्यक्षमा उम्मेदवारी दिने भएको छ । बुधबार बसेको...

कैलाशमा ‘वडा वडामा न्यायिक समिति’ कार्यक्रम
Kailash-Photo1-1709099353.jpg

१६ फागुन, हेटौंडा । मकवानपुरको कैलाश गाउँपालिकाले ‘वडा वडामा न्यायिक समिति’ कार्यक्रम संचालन गरिरहेको छ ।...

मकवानपुरमा बिजुलीको पोलले थिचेर वडासदस्यको निधन
For-representation-only-1709088898.jpg

१६ फागुन, हेटौंडा। मकवानपुरमा बिजुलीको पोलले थिचेर एक जना जनप्रतिनिधिले ज्यान गुमाएका छन्। मकवानपुरको बकैया...

माओवादी स्थायी कमिटी बैठक आज पनि जारी
maobadi-1709088595.png

१६ फागुन, काठमाडौं । नेकपा (माओवादी केन्द्र) को स्थायी कमिटी बैठक आज पनि जारी रहने भएको छ । बैठक पार्टी केन्द्रीय...

नेपाल वाफको फाइनलमा प्रवेश
20240228_065510-1709082675.jpg

१६ फागुन, हेटौंडा । नेपाल पश्चिम एसियन फुटबल फेडेरेसन महिला च्याम्पियनसिप (वाफ) को फाइनलमा प्रवेश गरेको छ...

मौसम मुख्यतया सफा रहने
Screenshot_20230324_10360-1709082087.jpg

१६ फागुन, हेटौंडा । हाल नेपालमा पश्चिमी न्यून चापीय प्रणालीको आंशिक प्रभाव रहेको छ। देशका पहाडी भू-भागमा आंशिक...

थप समाचार