प्रचारप्रसारको अन्तिम दिन:हेटौंडामा गठबन्धनको शक्ति प्रर्दशन(फोटो फिचर)

१ मंसिर, हेटौंडा । आजराति १२ बजेबाट मौन अवधि सुरु हुनेभएपछि राजनितिक दल तथा उम्मेदवारहरुले अन्तिम प्रयास स्वरुप शक्ति प्रदर्शनसँगै घरदैलो र कार्यकता भेटघाटलाई निरन्तरता दिएका छन् । निर्वाचन आयोगले आजराति १२ बजेबाट कुनैपनि दल वा उम्मेदवारका पक्षमा मत माग्ने कुनैपनि गतिविधि नगर्न सचेत गराईसकेको छ।आज मकवानपुरमा सत्ता गठबन्धन, नेकपा एमाले लगाएत स्वतन्त्र उम्मेदवारहरुले समेत जिल्लाका विभिन्न स्थानमा याली, जुलुश। सभा गरेर शक्ति प्रर्दशन गरेका छन् ।

यसैबीच सत्ता गठबन्धनले मकवापनुरको प्रतिनिधि सभा क्षेत्र नम्बर १ को हेटौंडामा र्‍याली सहित शक्ति प्रर्दशन गरेको छ भने प्रतिनिधि सभा क्षेत्र नम्बर २ को मनहरीमा आमसभाको आयोजना गरेको छ । 

सत्ता गठबन्धनले हेटौंडा २ स्थित पल्पसा सदनबाट सुरु गरेको र्‍यालीले हेटौंडा बजारको विभिन्न भागको परिक्रमा गरेको थियो।र्‍यालीमा नेपाली कांग्रेसका केन्द्रीय सह–महामन्त्री एवं प्रतिनिधि सभा क्षेत्र नम्बर १ का उम्मेदवार महालक्ष्मी उपाध्याय डीना, प्रदेश सभा क्षेत्र नम्बर १ को (ख) का उम्मेदवार आनन्दराम पराजुली लगायत गठबन्धनका  संघ र प्रदेशका समानुपातिक उम्मेदवार,नेपाली कांग्रेस, माओवादी केन्द्र, नेकपा एकीकृत समाजवादी लगाएत गठबन्धन दलका नेता तथा कार्यकर्ताहरुको सहभागीता रहेको थियो । 

यस्तै गठबन्धनले र्‍यालीको समापनपछि नगरका विभिन्न वडाहरुमा घरदैलोका साथै कोण सभा समेत गरेको छ। गठबन्धनका उम्मेदवारले हेटौंडा-७ मा पनि शक्ति प्रदर्शन गरेको छ। हेटौंडा-७ को विभिन्न टोलको परिक्रमा गरेर न्युरेनी चिसापानीमा कोणसभा भएको थियो। कोणसभालाई प्रदेशसभा सदस्यका उम्मेदवार पराजुलीले गठबन्धनलाई अमुल्य मत दिन आग्रह गरेका थिए।