चुनावि आचार संहिता फर सेल्फ रेस्पेक्टः प्रजिअ बुढा

२८ कार्तिक, हेटौंडा । मकवानपुरका प्रमुख जिल्ला अधिकारी चक्रबहादुर बुढाले निर्वाचनको समयमा  पालना  गरिने आचारसंहिता  फर सेल्फ रेस्पेक्ट को लागि  भएको बताएका छन ।

जिल्ला निर्वाचन कार्यालय मकवानपुरले आसन्न प्रदेश र प्रतिनिधिसभाको निर्वाचनलाई लक्षित गर्दै हेटौंडामा सञ्चारकर्मीहरुसँग गरेको  अन्तरक्रिया कार्यक्रममा प्रजिअ बुढा निर्वाचनको समयमा सहीसत्य र यथार्थपरक समाचार दिनुपर्ने सुझाव समेत दिएका छन  । प्रजिअ बुढाले सञ्चार माध्यममा आएका समाचारहरुले निर्वाचन कार्यक्रममा प्रत्यक्ष प्रभाव पार्ने भन्दै संयमित भएर समाचार सम्प्रेषण गर्न आग्रह गरे । त्यसैगरी निर्वाचन कार्यालय मकवानपुरका प्रमुख गोविन्द पौडेलले  निर्वाचनमा सञ्चारकर्मीहरुको भुमिका उल्लेखिय हुने हुदा आचारसंहिताको पालना गर्दै निर्वाचन सम्पन्न गराउने बनाउने वातावरण तयार गर्न सञ्चारकर्मीहरुलाई आग्रह गरे । 

यस्तै पत्रकार महासंघ मकवानपुरका पूर्व अध्यक्ष राममणि दाहालले चुनावको समयमा उम्मेदवारले जस्तै नेताहरुले पनि आचारसंहिता मान्नुपर्ने धारणा राखे । पत्रकार महासंघ मकवानपुरका अध्यक्ष हरि हुमागाइँले सबै दल र उम्मेदवारलाई सञ्चारकर्मीले समान स्थान दिनु आवश्यक रहेको बताउँदै तटस्थ भएर समाचार प्रकाशन प्रशारण गर्न आग्रह गरे ।  कार्यक्रममा नेपाल पत्रकार महासंघ मकवानपुर शाखाका अध्यक्ष हरि हुमागाईं र उपाध्यक्ष कुमार अधिकारीले सहजीकरण गरेका थिए ।