मकवानपुर-१ मा नेपाली कांग्रेसकी डिना जित नजिक*

८ मंसिर, हेटौंडा । मकवानपुर क्षेत्र नम्बर-१ मा नेपाली कांग्रेसकी उम्मेदवार महालक्ष्मी उपाध्याय डिना जित नजिक छिन् ।
डिनाका प्रतिष्पर्धी नेकपा एमालेका उम्मेदवार कमल थापा सामाजिक सञ्जालमा हार स्वीकार समेत गरेका छन् । ट्विटरमा उनले 'पराजयलाई सहर्ष स्विकार गर्दछु। हामीलाई मतदिनु हुने सबैमा आभार। सूर्य'चिन्ह लिएर चुनाव लड्ने अवसर दिएकोमा नेकपा (एमाले) लाई धन्यवाद। चुनावमा रातदिन नभनी ईमान्दारपुर्वक खट्ने एमालेका सम्पूर्ण कमरेडहरु,राप्रपा नेपालका साथीहरु प्रति आभारी छु। देश र जनताको हितमा निरन्तर सक्रिय रहने छु ।' भनेका छन् ।

सदर ७१ हजार ४७८ मत गन्दा उनी आफ्ना निकटतम प्रतिष्पर्धी नेकपा एमालेका उम्मेदवार कमल थापा भन्दा १ हजार २६२ मतान्तरमा छिन् । तेस्रो उम्मेदवार दिपकबहादुर सिंह भन्दा २ हजार १५४ मतले अघि छिन् ।
बिहीबार विहान प्राप्त पछिल्लो मत परिणाम अनुसार कांग्रेस सहमहामन्त्री समेत रहेकी डिनाले २१ हजार ९१० मत प्राप्त गरेकी छन् भने राप्रपा नेपालका अध्यक्ष थापाले २० हजार ६४८ मत प्राप्त गरेका छन्। राप्रपाका दीपकबहादुुर सिंहले १९ हजार ७५६ मत ल्याए । अब केही मत मात्रै गणना हुन बाँकी छ । (समाचार सम्पादन गरिएको छ)