मकवानपुरमा एमाले ठूलो दल, रास्वपा तेस्रो

११ मंपसिर, हेटौंडा । मंसिर ४ मा भएको प्रतिनिधिसभा निर्वाचनको समानुपातिक तर्फको मकवानपुरको मत गणना सम्पन्न भएको छ । मत परिणाम अनुसार मकवानपुरमा नेकपा एमाले पहिलो दल बनेको छ ।
यस्तै नेपाली कांग्रेस दोस्रो दल बन्दा राष्ट्रिय स्वतन्त्र पार्टीले धमाकेदार इन्ट्री गरेको छ । मकवानपुरमा रास्वपा तेस्रो ठूलो दल बन्न सफल भएको छ । माओवादी र राप्रपा क्रमश चौथो र पाँचौ हुँदा सत्ता गठबन्धनको एउटा घटक एकीकृत समाजवादी छेठौं दल बनेको छ  । 
५० हजार ८०४ मत सहित पहिलो दल बनेको एमालेले प्रतिनिधि सभाको दुबै क्षेत्रमा पहिलो मत प्राप्त गरेको छ । उसले क्षेत्र नम्बर १ मा २२ हजार ६१६ र २ नम्बर क्षेत्रमा २८ हजार १९३ मत पाएको छ । 
यस्तै समग्र जिल्लामा दोस्रो ठूलो दल बनको कांग्रेसले ३६ हजार २६४ मत पाएको छ । यसैगरी जिल्लामा तेस्रो ठूलो दल बनेको रास्वपाले २९ हजार ८८९ मत पाएको छ । 
जिल्लामा चौथो दल भएको माओवादीले जिल्लामा कुल २६ हजार १३३ मत पाएको छ । यस्तै १६ हजार ७७१ मत सहित राप्रपा जिल्लामा पाँचौ द लबनेको छ । 
छैठौं भएको एकीकृत समाजवादीले जम्मा ३ हजार ८२७ मत पाएको छ । बिहीबार सम्पन्न भएको प्रत्यक्ष तर्फको मत गणना अनुसार मकवानपुरमा राप्रपा र एमालेले एक÷एक स्थान र प्रदेश सभा तर्फ माओवादीले दुई र एमाले र कांग्रेसले एक÷एक स्थान जितेका छन् ।