तासिरमा आयोजित रण बहादुर थापा मेमोरियल हाजिरजवाफको उपाधी जि एसलाई

४ पुस,हेटौंडा। हेटौंडा-७ मा रहेको  तासिर ईग्लिस सकेन्डरी स्कुलको आयोजना तथा  विद्यालयका संस्थापक  राजन थापाको पिता स्वर्गीय  रण बहादुर थापाको बर्षीक पुण्यतिथीको अवसरमा आयोजित  रण बहादुर थापा मेमोरियल हाजिरजवाफ प्रतियोगिताको उपाधी हात हेटौंडा-५ मा रहेको जि एस निकेतनले हात परेको छ । 

स्वर्गीय थापाको चौथो पुण्यतिथीमा आयोजीत प्रतियोगितामा हेटौंडानगरका ३० विद्यालयलाई पछि पर्दै जि एसले रण बहादुर थापा मेमोरियल हाजिरजवाफ प्रतियोगिताको उपाधी हात पारेको हो।विद्यालय व्यवस्थापनका अध्यक्ष मिठ्ठे बहादुर कार्कीको सभाध्यक्षता सम्पन्न  प्रतियोगिताको प्रमुख अतिथी हेटौंडा-७ का वडाअध्यक्ष दामोदर गौतम रहेका थिए। 

प्रतियोगितामा  जि एस निकेतनले प्रथम स्थान हासिल गरेको छ भने द्वितीय स्थान तुल्सी मेयर मेमोरियल बोर्डिङ स्कुल बन्न सफल भएको छ। त्यसैगरी नबोदय शिशु सदनले  तेस्रो स्थान हासिल गरेको छ।  प्रथम हुने जि एस,दोस्रो हुने तुल्सी मेयर  र तेस्रो हुने नबोदय शिशु सदनले क्रमश नगद १० हजार,७ हजार ५ सय र ५ हजार सहित मेडल,प्रमाणपत्र र सिल्ड प्राप्त गरेका छन। प्रतियोगिताको  विजेता बनेकालाई  प्रमुख अतिथी वडाअध्यक्ष  गौतम र स्वर्गीय रण बहादुर थापाकी धर्मपत्नी थापले संयुक्त रुपमा पुरस्कार प्रदान गरेका थिए। 

कार्यक्रममा स्वर्गीय थापाकी श्रीमती निर कुमारी थापा, हेटौंडा बचत तथा ऋण सहकारीका अध्यक्ष ईन्द्रबहादुर बस्नेत,चिसापानी न्युरेनी सामुदायिक वनका अध्यक्ष ज्ञान बहादुर क्षेत्री, नवज्योति माविका विद्यालय व्यवस्थापन समिति अध्यक्ष कृष्ण बहादुर थापा, विद्यालयका प्रधानाध्यापक विनोद थपलिया,विद्यालयका संस्थापक अध्यक्ष राजन थापा लगायतको उपस्थित रहेको थियो।

जिल्लामै पहिलो पटक डिजिटल प्रविधीबाट आयोजना गरिएको प्रतियोगितामा हेटौंडानगरका निजी तथा सामुदायिक गरि ३१ वटा  विद्यालयको सहभागीता रहेको थियो। हेटौंडा-७ का पुर्व वडाअध्यक्ष समेत रहेका विद्यालयका स्थापक राजन थापाले आफ्नो बाबुको पुण्यतिथीको अवसरमा  प्रत्येक वर्ष प्रतियोगिता आयोजना गरिदै आएको बताए।