चेपाङ संघका केन्द्रिय  सचिव  काँग्रेसमा           

१ मसिर, हेटौँडा । प्रतिनिधिसभा क्षेत्र नम्बर २ को कैलास गाउँपालिकाको वडा नम्बर ७ र ८ भार्तामा लोकतान्त्रिक गठबन्धनको निर्वाचन प्रचार प्रसार समितिको सम्पर्क कार्यालय उद्घाटन सहित कोणसभा सम्पन्न भएको छ ।  
प्रतिनिधिसभा क्षेत्र नम्बर १ ख प्रदेशसभा सदस्य उम्मेदवार इन्द्रबहादुर बानियाको आतिथ्यतामा प्रचार प्रसार समितिको सम्पर्क कार्यालय उद्घाटन गरिएको  हो । 
प्रचार प्रसार समितिको सम्पर्क कार्यालय उद्घाटन पछी आयोजित कोणसभालाई सम्बोधन गर्दै  उम्मेदवार इन्द्रबहादुर बानियाँले  मकवानपुरमा बाम गठबन्धनले विकास गर्छु भन्नु दिवा सपना देखे जस्तो भएको बताए । उम्मेदवार बानियाँले चेपाङ संग्राहलय स्तरोन्नतीको लागि लागि पर्ने प्रतिबद्धता ब्यक्त गरेका छन ।  

प्रचारप्रसार समिति संयोजक प्रदिप थिङ्को सभाध्यक्षतामा सम्पन्न भएको कार्यक्रममा काँग्रेस प्रदेशसभा सदस्य समानुपातिक  उम्मेदवार सन्त चेपाङ, मकवानपुरका सचिव बुद्ध लामा, प्रचार समितिका सहसंयोजक भीमसेन महत, निर्वाचन परिचालन समितिका सहसंयोजक गोविन्द रिजाल, नेपालि काँग्रेस जिल्ला सदस्य दीपेन्द्र  मल्ल राम कृष्ण प्रजा,  तरुण दल जिल्ला अध्यक्ष ईश्वर पाठक, तरुण नेता राजेश भेटवाल लगायतकाले मन्तव्य व्यक्त गरेका थिए ।
कर्यक्रममा चेपाङ संघका केन्द्रीय सचिव एवं साविकको भार्ता गाउ कमिटीका  एमालेका अध्यक्ष विनोद चेपाङ् र माओवादी केन्द्रका जिल्ला सदस्य ववि लामाको नेतृत्वमा ३२५ जना बाम गठबन्धन त्यागी काँग्रेसमा प्रवेश गरेका छन ।