लोकतान्त्रिक गठबन्धनको सुकौरा र बुढीचौरमा चुनाव प्रचार प्रसार कार्यलय 

२ मंसिर, हेटौँडा । लोतान्त्रिक गठबन्धनले चुनाव प्रचार प्रसार कार्यक्रम अन्तर्गत शनिवार प्रतिनिधि सभा क्षेत्र नम्बर १ को प्रदेश सभा क को गढी गाउँपालिका ७ सुकौरा र वडा नम्बर ८ बुढीचौरमा चुनाव प्रचार प्रसारका लागी वडा कार्यलय स्थापना गरेको छ । 
गठबन्धनले गढी गाउँपालिका ७ को सुकौरामा इकाई सभापति सुनराज स्याङतान र गढी गाउँपालि ८ बुढीचौरमा इकाइ सभापति बेदनाथ गौतमको सभाध्यक्षतामा कार्यक्रम गरेको हो । 
नेपाली कांग्रेस मकवानपुरका संगठन प्रमुख कृष्णप्रसाद संजेलको प्रमुख आतित्थ्यतामा भएको कार्यक्रममा प्रदेश सभा क का उम्मेदवार यतिराज सापकोटाले लोकतान्त्रिक गठबन्धन प्रति युवाहरुको आकर्षण बढेको बताउँदै अब देशको जिम्मेवारी युवाको काधमा आएको बताउँनुभयो । उम्मेदवार सापकोटाले सुकौरा र बुढीचौरका मतदातालाई लोकतान्त्रिक वठबन्धनलाई मतदान गरी जिताउँन आग्रह गर्नुभयो । कार्यक्रममा गढी गाउँपालिका वडा नम्बर ८ का वडा अध्यक्ष कुमार सिंह घिसिङ, वडा नम्बर ७ का वडा अध्यक्ष सुर्यबहादुर रुम्बा, प्रदेश २ क प्रचारप्रसार सहसयोजक रामजि न्यौपाने, राप्रपा इकाई अध्यक्ष सिह बहादुर मोत्तान, २ नम्बर क्षेत्रीय सल्लाहकार राजु गौतम, राजेश्वर देवकोटा, राप्रपाका जिल्ला सदस्य मुकुन्द न्यौपाने, लगाएतले बोल्नुभएको थियो । कार्यक्रमबाट गढी गाउँपालीका वडा नम्बर ७ मा नेपाली कांग्रेसका सुनराज स्याङतान सयोजक र राप्रपाका मुकुन्दप्रसाद न्यौपाने सहसयोजक रहने गरी ५१ सदस्यीय चुनाव प्रचार प्रसार समिति गठन समेत गरिएको छ ।