विकासका लागि नयाँ शक्ति : मैनाली

२ मंसिर, हेटौँडा । नयाँ शक्ति पार्टी नेपालको तर्फबाट प्रतिनिधिसभा मकवानपुर क्षेत्र नम्बर १ अन्तरगतको प्रदेश २ का उम्मेदवार राजन मैनालीले चुनावी विकृतिको अन्त्य र आप्mनो क्षेत्रको विकासका लागि नयाँ शक्ति पार्टी अपरिहार्य रहेको बताए । 
चुनावी अभियानका शनिबार हेटौँडा–९ मिलन पथ, कालिका मन्दिर क्षेत्रमा घरदैलो गर्दै मैनालीले ठूला दलहरुले आर्थिक र पाखुराको प्रयोग गरी चुनावलाई विकृतितर्फ लगिरहेको भन्दै यसको विरुद्ध उम्मेदवारी भएको बताए । उनले आफु थाहा दर्शनका प्ररणेता रुपचन्द्र विष्टको दर्शन र आर्दशबाट प्रेरित रहेको भन्दै प्रत्यक्ष मतदातामाझ पुगी मत मागरिरहेको बताए । 
उनले युवा शक्तिलाई सही मार्गमा अघि बढाउन पनि विकिृतिरहित निर्वाचन आवश्यक रहेको जिकिर गर्दै आफ्नो विजयले मकवानपुरमा विकृतिको अन्त्य र विकासमा ठूलो फड्को मार्ने दावि गरे । सबैका लागि आफ्नै पालामा समृद्धि सम्भव रहेको दावि गर्दै उनले अव आर्थिक विकासका लागि आफुसंग ठोस योजना र रणनीति रहेको बताए । उनले समाजमा अवसरबाट बन्चित महिलालाई शिक्षित, स्वावलम्बन र आत्मनिर्भर बनाउन प्रयत्न गर्ने उनको दावि छ । वातावरण संरक्षणको अभियान संचालन गरी समुन्नत क्षेत्र बनाउने उनले बताए ।
कार्यक्रममा महिला नेतृहरु भवानी खड्का, शारदा विष्ट, सम्पूर्ण सिग्देल, राधिका मल्ल ठकुरी, सुलोचना घिमिरे, मित्रा सिग्देल, सुमित्रा सुवेदी, डा. प्रियंका सुवेदी लगायतको सहभागिता रहेको थियो ।