चलचित्र पत्रकार संघ मकवानपुरको अध्यक्षमा कपिल खड्का चयन

२५ पुस,हेटौंडा। चलचित्र पत्रकार संघ नेपाल मकवानपुर शाखाको चौथो अधिबेशन तथा १३ औ साधारणसभा सोमबार सम्पन्न भएको छ । संघले नयाँ नेतृत्व समेत चयन गरेको छ। 

बागमती प्रदेशका भौतिक पूर्वाधार तथा विकास राज्यमन्त्री सन्त बहादुर प्रजाको प्रमुख आतिथ्यमा सम्पन्न कार्यक्रममा राज्यमन्त्री प्रजाले मकवानपुरलाई चलचित्र छायाँकन नगरी बनाउन उपयुक्त ठाँउहरु रहेको बताए। उनले यहाँका सुन्दर ठाँउहरुलाई चलचित्रमा कैद गरेर हेटौडाको सुन्दरर्ता प्रस्तुत गर्न चलचित्रकर्मीहरुलाई आग्रह समेत गरेका थिए।

संघका कार्यवाहक अध्यक्ष कपिल खड्काको सभाअध्यक्षतामा भएको कार्यक्रममा नेपाल पत्रकार महासंघका बागमती प्रदेशका उपाध्यक्ष रुपेश दुलाल, चलचित्र संघका उपाध्यक्ष कुबेर शर्मा,चलचित्र पत्रकार संघ मकवानपुरका संस्थापक अध्यक्ष कुमार अधिकारी लगायतकाले मन्तव्य व्यक्त गर्नुभएको थियो । कार्यक्रममा पत्रकार महासंघ केन्द्रीय सदस्य सुनिल खडका, मकवानपुरका अध्यक्ष मणिराज गौतम र संघ मकवानपुरका निवर्तमान अध्यक्ष हरि हुमागाईं,कलाकार अमिर गौतम  लगायतको उपस्थिती रहेको थियो। 

त्यस्तै चलचित्र पत्रकार संघ मकवानपुरको पाचौं अधिवेशन पनि आईतबारनै सम्पन्न भएको छ । अधिवेशनले कपिल खड्काको अध्यक्षतामा ९ सदस्यीय कार्यसमिति सर्वसम्मत चयन गरेको हो । समितिको उपाध्यक्षमा श्रीराम अर्जुन दाहाल,सचिवमा रबिन्द्र गौतम,कोषाध्यक्षमा मनोज देवकोटा र सहसचिवमा दिपेश दाहाल चयन भएका छन् ।त्यसैगरी सदस्यहरुमा सन्नु रिजाल, दर्शन क्षेत्रि, प्रवेश धिताल(कुन्दन) मञ्जु मैनाली सर्वसम्मत चयन भएको गरिएको छ।