बहुउद्धेश्यीय सहकारी संघको भेला,अध्यक्षमा न्यौपाने चयन

 २८ पुस, हेटौडा । मकवानपुर जिल्ला बहुउद्धेश्यीय सहकारी संघको ९ औं वार्षिक साधारणसभा बिहिवार हेटौडामा सम्पन्न भएको छ ।

साधारणसभाको बन्द सत्रले रामहरि न्यौपानेको अध्यक्षतामा ११ सदस्यीय नयाँ सञ्चालक समिति सर्वसम्मत चयन गरेको छ । समितिको उपाध्यक्षमा शर्मिला डंगोल, सचिवमा प्रतिमा श्रेष्ठ र कोषाध्यक्षमा पुरुषोत्तम कार्की चयन भएका छन।त्यसैगरि सदस्यहरुमा भीमसेन पौडेल, शिवकुमार खत्री, भोगेन्द्र लुईटेल, सिह बहादुर विक.मोती लामा, कुलकुमारी बस्नेत र शुक्रदेवी बल चयन भएका छन  ।

त्यसैगरी लेखा सुपरिवेक्षण समितिको संयोजकमा रामेश्वर अर्याल र सदस्यहरुमा जानकी दाहाल र रमिला सापकोटा चयन भएका छन। साधारणसभामा संस्थाका अध्यक्ष रामहरि न्यौपानेले संस्थागत प्रतिवेदन, सचिव शर्मिला डंगोलले प्रगति प्रतिवेदन र कोषाध्यक्ष विमल कुमार ढकालले आर्थिक प्रतिवेदन पेश गरेका थिए ।

बागमती प्रदेश सहकारी बोर्डका उपाध्यक्ष नारायणप्रसाद देवकोटाको प्रमुख आतिथ्यतामा सम्पन्न भएको साधारणसभामा हेटौडा–९ का निवर्तमान वडा अध्यक्ष लक्ष्मण प्रसाद भण्डारी, जिल्ला सहकारी संघका पूर्व अध्यक्ष बद्री प्रसाद लम्साल, बागमती प्रदेश सहकारी संघका सञ्चालक बिमल ढकाल, जिल्ला सहकारी संघका सचिव विरेन्द्र प्रसाद ढुङगाना,शिवम सिमेन्टका सनद गोतामे लगायतको उपस्थिति रहेको थियो ।भेलाको अवसरमा संघलाई सहयोग गर्ने विभिन्न संघसंस्था र ब्यत्तिहरुलाई सम्मान गरिएको थियो । संघमा १९ वटा बहुउद्धेश्यीय सहकारी संस्थाहरु आवद्ध रहेका छन  ।