लक्ष्मी आधारभूत विद्यालयमा वडा प्रहरी र सामुदायिक प्रहरीको सचेतनामुलक कार्यक्रम

१७ फागुन,हेटौंडा। हेटौंडा-५  गोदोई  चिसापानीमा रहेको लक्ष्मी आधारभूत विद्यालयमा लागूऔषध दुर्व्यसनी तथा कानुनी व्यवस्थाका बारेमा सचेतनामुलक कार्यक्रम आयोजन गरिएको छ।  

वडा प्रहरी कार्यालय हेटौंडा,सानोपोखरा र सामुदायिक सेवा उप केन्द्र बसपार्कको संयुक्त आयोजनामा  लागुऔषध दुर्ब्यसनी तथा कानुनी ब्यबस्था सम्बन्धी सचेतनामुलक कार्यक्रमको आयोजन गरिएको हो।

सेवा  उप केन्द्र बसपार्कका अध्यक्ष प्रदिप कँडेलको सभाध्यक्षता तथा  बिद्यालयका ब्यबस्थापन समितीका अध्यक्ष तारा अधिकारीको प्रमुख आतिथ्यतामा उक्त कार्यक्रम भएको हो। कार्यक्रममा वडा प्रहरी कार्यालय सानोपोखरा हेटौंडाका प्रमुख प्रहरी निरीक्षक केशर कुमार न्यौपानलेले विद्यार्थीलाई लागूऔषध प्रयोगको असर, लागूऔषधबाट हुने नकारात्मक असरका साथै लागूऔषध कारोबारको  कानुनी प्रावधानको बारेमा सहजिकरण गरेका थिए। कार्यक्रममा विद्यालयमा अध्ययनरत करिब १५० विद्यार्थीको सहभागिता रहेको थिए। विद्यार्थीलाई विद्यालय स्तरबाट लागूऔषधको बारेमा जानकारी होस भन्ने उद्देश्यका साथ वडा प्रहरी कार्यालय र सामुदायिक प्रहरी सेवा उप केन्द्र बसपार्कको समन्वयमा कार्यक्रम आयोजना गरिएको वडा प्रहरी प्रमुख प्रहरी निरीक्षक न्यौपानेले बताए।