बाँड्न लगिएको चामल र कम्बल कांग्रेसद्वारा नियन्त्रणमा

१३ मंसिर, हेटौंडा । चुनाब हार्ने मनस्थितिमा पुगेपछी मकवानपुरको क्षेत्र नम्बर २ का वाम गठबन्धनका उम्मेदवारले चामल र कम्बल बाँडेको भन्दै नेपाली कांग्रेसका कार्यकर्ताले नियन्त्रणमा लिएका छन् । नियन्त्रणमा लिएको चामल र कम्बलसहितको ट्रयाक्टर ईलाका प्रहरी कार्यालय मनहरीमा बुझाईएको हो ।

चुनाबी आचारसंहिता लत्याउदै विभिन्न सामान बाँडेर बाम गठबन्धनका उम्मेदवारले भोट माग्ने गर्न थालेको कांग्रेसको भनाई छ । गएराती कम्बल बाड्दाबाड्दै मनहरी प्याङ्चेबाट तरूण युवाहरूले लखेटेेका क्षेत्र नम्बर २ को २ का प्रदेशसभा सदस्य उम्मेदवार राजाराम स्याङ्तानले बाढी पीडितको नाममा पठाउदै गरेको एक ट्याक्टर चामल र कम्बल पठाएको उनीहरूले दावी गरेको छ ।

ख्रिष्टियन चाइनिज संस्थाको नाममा मङ्गलबार राक्सिराङको साजकमा चामल र कम्बल बितरण भएको थियो । चामल बितरणको क्रममा राजाराम स्याङ्तानले पठाएको र २१ गतेको चुनाबमा उसलाई भोट दिनुपर्छ भनिएको भन्दै स्थानीयले काङ्ग्रेस नेताहरुलाई जानकारी गराएका थिए । चामल बाड्न एमालेका केही स्थानीय नेताहरु समेत गाउँ पुगेका थिए ।

यसपछी काङ्ग्रेस र तरुण दल मनहरीका नेता कार्यकर्ताले यस्ता गतिबिधी हुन नदिन निगरानी बढाएका थिए । 'गरिबको नाममा केही सामान दिएर एमालेलाई भोट देउ भनेको पाएपछी हाम्ले निगरानी गरिराखेका थियौं', नेपाली कांग्रेस मनहरीका नेता नवराज लामाले भने, 'मनहरी बजारबाट ४ नम्बर वडा ट्वाङ्ग्रा लैजान लागेको एक ट्याक्टर चामल र कम्बल नियन्त्रणमा लिएर मनहरी प्रहरीलाई बुझाएका छौँ ।' निर्वाचन र मतदातालाइ प्रभाव पार्ने गरि हुने यस्ता गतिबिधिलाई रोक्न आफूहरु सकृय रहेको जानकारी दिदै उनले यस्ता क्रियाकलाप रोक्नुपर्ने बताए । 

कांग्रेस ४ नम्बर क्षेत्रीय उपसभापती नुरज पौडेलले यस्ता अाचारसंहिता विपरितका गतिविधि नगर्न सबैसंग अाग्रह गरे ।  इलाका प्रहरी कार्यालय मनहरीका प्रमुख प्रहरी निरीक्षक चित्र घलेले घटनाको अनुसन्धान भैरहेको बताए ।