कामधेनुको वार्षिकोत्सव विभिन्न ब्यक्तिहरु सम्मानित

१० बैशाख, हेटौडा । हेटौडा–६,चुच्चेखोलामा रहेको कामधेनु बहुउद्धेश्यीय सहकारी संस्थाको २५ औं वार्षिकोत्सव  सम्पन्न गरेको छ । सहकारीको वार्षिकोत्समा विभिन्न ब्यक्तिहरुलाई सम्मान पनि  गरिएको छ । 

हेटौडा–६ का वडा अध्यक्ष विष्णु बहादुर दाहालको प्रमुख आतिथ्यता एवम सहकारीका अध्यक्ष उदय बिडारीको सभाध्यक्षतामा कार्यक्रममा भवन निर्माणमा सहयोग गर्ने भवन निर्माण उपभोक्ता समितिका अध्यक्ष शिव प्रसाद गौतम, सचिव भीमसेन पौडेल, कोषाध्यक्ष बबिता कुमारी चौधरी र सदस्य धन बहादुर गौतम,राजकुमार बिडारी,राधिका गौतम र शर्मिला ढकाललाई सम्मान गरेको छ। त्यसैगरि अनुगमन समितिका संयोजक गौरबकुमार पराजुली, सदस्य श्रीराम कँडेल, बद्री प्रसाद गौतम, कल्पना पराजुली र शर्मिला सुनदासलाई पनि कार्यक्रममा सम्मानित गरिएको थियो ।

त्यसैगरी हेटौडा–६ नम्बर वडा कार्यालयले     संस्थालाई  प्रदान गरिएको  कम्प्युटर वडा अध्यक्ष विष्णु बहादुर दाहालले  संस्थाका अध्यक्ष उदय बिडारीलाई हस्तान्तरण गरेका थिए।
संस्थाको आर्थिक पाटोलाई ब्यवस्थित र पारदर्शी बनाउन हेटौडा–६ नम्बर वडा कार्यालयले संस्थालाई कम्प्युटर र प्रिन्टर सहयोग गरेको हो।
कार्यक्रममा हेटौडा–६ चुच्चेखोला निवासी एकल महिला ठूलीमाया दमिनिलाई आर्थिक सहयोग प्रदान गरिएको थियो । संस्था सञ्चालक समिति, लेखा समिति, सल्लाहकार र शेयर सदस्यहरुबाट संकलन गरिएको १२ हजार ५ सय रुपैयाँ निजलाइ प्रदान गरिएको थियो ।कार्यक्रममा हेटौडा–६ का वडा सदस्य लेखराज ढकाल, भूमि आयोग मकवानपुरका सदस्य अर्जुन प्रसाद चौलागाई, संस्थापक अध्यक्ष बासुदेव सापकोटा, सल्लाहकार गौरब कुमार पराजुली, हिमाल पौडेल, नेपाल वातावरण पत्रकार महासंघ, बागमती प्रदेशका उपाध्यक्ष रुपेश दुलाल, मकवानपुर अध्यक्ष मणीराज गौतम, चुच्चेखोला सामुदायिक वनका अध्यक्ष लक्ष्मण कटुवाल, रानी सामुदायिक वनका उपाध्यक्ष केशव धिताल, प्रगतिशिल महिला आपसी विकास संस्थाकी उपाध्यक्ष गायत्री घिमिरे, संस्थाका उपाध्यक्ष उदय प्रकाश दहाल, ब्यवस्थापक भीमसेन पौडेल, शेयर सदस्य, शुभचिन्तक लगायतको सहभागिता थियो ।