हेटौंडा ४ नम्बर वडामा निशुल्क स्वास्थ शिविर

२ असार, हेटौंडा । हेटौँडा उपमहानगरपालिका वडा नम्बर ४ को आयोजना तथा मोहन बज्राचार्य सहरी स्वास्थ्य केन्द्रको व्यवस्थापन तथा मदन भण्डारी प्रतिष्ठानको सहकार्यमा बृहत् निःशुल्क स्वास्थ्य शिविर भएको छ । 
शिविरमा ५ सय ८८ जना सेवाग्रहीहरूले निस्शुल्क स्वास्थ्य सेवा लिएको वडा सदस्य जनरल श्रेष्ठले जानकारी दिए । शिविरमा नाक, कान र घाँटीका विशेषज्ञ ईन्क्लाव ढुङ्गाना, स्त्री रोग विशेषज्ञ प्रशान्तराज शर्मा, बालरोग विशेषज्ञ विनोमराज शर्मा र फेमली फिजिसियन अमर यासिरसहितका स्वास्थ्यकर्मीले विरामी जाँच गरि औषधी प्रदान गरिएको थियो ।
स्वास्थ्य शिविरको उद्घाटन गर्दै कार्यक्रमका प्रमुख अतिथि एवं वडा अध्यक्ष नवीन सिग्देल स्वास्थ्य मानिसको पहिलो र महत्वपूर्ण धन भएकोले वडा कार्यालयले प्राथमिकताका साथ निःशुल्क स्वास्थ्य शिविर सञ्चालन गरेको बताए । उनले वडा भित्र बसोबास गर्ने सम्पूर्ण सर्वसाधरणको स्वास्थ्य समस्या समाधानका लागी समय सयमा यस्ता शिविरहरु सञ्चालन गरिरहने प्रतिवद्धता पनि व्यक्र गरे ।
कार्यक्रम संयोजक समेत रहेका वडा सदस्य जनरल श्रेष्ठको अध्यक्षतामा भएको कार्यक्रममा वडा सदस्य गीता त्रिपाठी, नेपाल रेडक्रम सोसाईटी, मकवानपुर शाखाका उपमन्त्री, वडा सचिव टिका कंडेल, टोल विकास संस्था वडा समन्वय समितिका अध्यक्ष राजेन्द्र बस्ताकोटी, कोषाध्यक्ष सुन्दर न्यौपाने, मोहन बज्राचार्य सहरी स्वास्थ्य केन्द्र, हेटौँडा ४ का प्रमुख निर्मला ब्लोन, हेटौँडा क्याम्पस स्ववियु सभापती अभि मैनाली, नेपाल रेडक्रस सोसाईटी, ४ वडाका सभापती किसन घिसिङ्गलगायतको उपस्थिति रहेको थियो । 
उक्त अवसरमा वडा नम्बर ४ निवासी शान्ति ढुङ्गानाद्वारा लिखित नारी सन्देश नामक पुस्तक समेत विमोचन गरिएको थियो । पुस्तकको कार्यक्रमका प्रमुख अतिथि एवं वडा अध्यक्ष शिग्देलले गरेका हुन् ।