उद्धारका लागि र्यापिड रेस्पोन्स टिम तयारी अवस्थामा छः मकवानपुर प्रशासन

९ असार , हेटौँडा । शुक्रबारदेखिको लगातारको बर्षासँगै मकवानपुरका विभिन्न स्थानमा पहिरो र डुवानले जनधनको क्षति पुर्याउँने सम्भावना बढेको छ । लगातारको बर्षाका कारण मकवानपुर हुँदै संघीय राजधानी काठमाडौं जाने राजमार्गहरु यस समाचार तयार पर्दा अवरुद्ध भएका छनैन यद्यपी ग्रामिण क्षेत्रका सडकहरु भने बर्षका कारण प्रभावित बनेको छ । मकवानपुरका विभिन्न खोलाहरुमा पानिको सतह बढेने क्रममा रहेको छ । यसैविच जिल्ला विपद पुर्व तयारी तथा प्रतिकार्य समिती मकवानपुरले बर्षाको समयमा हुनसक्ने जनधनको क्षति रोक्न र समयमा उद्धार तथा व्यवस्थापनका लागी र्यापिड रेस्पोन्स टिमलाई तयारी अवस्थामा राखेको जनाएको छ ।
जिल्ला विपद् व्यवस्थापन समिति मकवानपुरको शुक्रबार बसेको बैठकको निर्णय बमोजिम नेपाली सेनाको मेजरको नेतृत्वमा ब्यवस्थापन टिम गठन गरिएका र नेपाल प्रहरी र सशस्त्र प्रहरीको पनि 'डेडिकेटेड टिम' तयारी अवस्थामा रहेको निम्ति प्रमुख जिल्ला अधिकारी नेत्र प्रसाद शर्माले प्रष्ट खबरलाई जानकारी दिएका छन् ।
निम्ति प्रमुख जिल्ला अधिकारी शर्माले उद्धार सामग्री सहित टिम तयारी अवस्थामा राखिएको जानकारी दिदै बढी जोखिम हुनेस्थानको पहिचान गरी प्रहरी र स्थानीय जनप्रतिनिधिहरुबाट जानकारी संकलनको काम भइरहेको बताए ।
यस्तै पहिरोको कारण अबरुद्ध बन्न सक्ने भन्दै देशको राजधानिको लाइफ लाइनको रुपमा हरेको त्रिभुवन राजपथ,कान्तिलोक पथ र भिमफेदी, कुलेखानी, सिस्नेरी र फाखेलमा पहिरोबाट हुन सक्ने अबरोध हटाउन आवश्यक तयारी गरिएकोे बताउदै उनले स्थानीय नदि, खहरेमा पानीको बेग उच्च रहन सक्ने भन्दै स्थानीयलाई सतर्क रहन आग्रह गर्दै अति आवश्यक नपरी घरबाहिर ननिस्कन पनि आग्रह गरेका छन् ।