पालुङ जेसीजको ज्येष्ठ नागरिकको स्वास्थ्य परीक्षण र अन्तरक्रिया

१६ असार, हेटौँडा ।  मकवानपुरको थाहा नगरपालिकामा क्रियाशिल  पालुङ जेसीजले स्थानीय उत्पादनहरुको बजार प्रबर्द्धनका लागि सहजीकरण गर्न अन्तरक्रिया कार्यक्रम र ज्येष्ठ नागरिकहरुको स्वास्थ्य परीक्षणका साथै दही चिउरा खुवाउने कार्यक्रम सम्पन्न गरेको हो ।
जेसीजले शुक्रबार बिहान थाहा नगरपालिका ३ मा क्रियाशिल नमूना लघुउद्यमी महिला समूहको समन्वयमा स्थानीय महिलाहरुले उत्पादन गरेका अचार लगायतका उत्पादनहरुको बजार प्रबर्द्धन गर्नमा सहकार्यको लागि समन्वय गर्न अन्तरक्रिया कार्यक्रमको आयोजना गरेको हो । थाहा नगरमा उत्पादन भएका भएका हस्तकलाका सामग्री र खाद्यान्न सामग्रीको जेसीजले आफ्नो कार्यक्रमहरुमा थाहा नगरको चिनो स्वरुप र देशका बिभिन्न क्षेत्रमा बजारिकरणको लागि पहल गर्नको लागि अन्तरक्रिया कार्यक्रमको आयोजना गरिएको पालुङ जेसीज बर्ष २०२३ का अध्यक्ष संगम कार्कीले बताएका छन् । कार्यक्रम पालुङ जेसीज बर्ष २०२३ का उपाध्यक्ष अजित कार्कीको संयोजकत्वमा भएको थियो । 
त्यसैगरी जेसीजले शुक्रबारने थाहा नगरपालिका ३ मा रहेको सीताराम ज्येष्ठ नागरिक दिवा सेवा केन्द्रमा ज्येष्ठ नागरिकहरुको स्वास्थ्य परीक्षणका साथै दही चिउरा खुवाउने कार्यक्रम सम्पन्न भएको छ । थाहा नगरपालिका –१ मा रहेको संकल्प पोलिक्लिनिक र विङ युथ संस्थाको सहकार्यमा केन्द्रका २५ जना ज्येष्ठ नागरिकहरुको स्वास्थ्य परीक्षण गरिनुका साथै स्वास्थ परामर्श दिईएको थियो । स्वास्थ्य परीक्षणका साथै दही चिउरा खुवाउने कार्यक्रमको पनि आयोजना गरिएको थियो दुवै कार्यक्रम पालुङ जेसीज बर्ष २००५ का अध्यक्ष सानोभाई कार्कीको प्रमुख आतिथ्यतामा भएको थियो ।