फिचर लेखनका सर्वोत्कृष्ट र उत्कृष्ट १२ जना पत्रकार पुरस्कृत

१७ असार ,हेटौँडा । नेपाल पत्रकार महासंघ मकवानपुरले आयोजना गरेको फिचर लेखन प्रतियोगितामा सर्वोत्कृष्ट र उत्कृष्ट १२ जना पत्रकारलाई पुरस्कृत गरिएको छ ।  हेटौंडा उपमहानगरपालिकाको सहकार्य र महासंघको आयोजनामा भएकोे फिचर लेखन प्रतियोगितामा सर्वोत्कृष्ट दुई सहित १२ जना पत्रकारलाई पुरस्कृत गरिएको हो ।

फिचर लेखनमा सर्वोत्कृष्ट महिला तर्फ सुनिता विष्ट र पुरुष तर्फ सुमन दाहाललाई पुरस्कृत गरिएको छ । उनीहरुलाई क्रमश नगद १५ हजार सहित पुरस्कृत गरिएको थियो  । त्यसैगरी उत्कृष्ट १० जना पत्रकारमा  स्मिता अर्याल, प्रतीक्षा न्यौपाने, निशा गुरुङ्, प्रिया पौडेल, सुजन ढकाल, अनिल पराजुली, रवीन ढुङ्गाना, श्रीराम अर्जुन, खेम बोलखे र जमुना तमाङ् घोषत भएका थिए । उनीहरुलाई नगद १० हजारसहित पुरस्कृत गरिएको थियो । हेटौंडा उपमहानगरपालिकाकी मेयर मीना कुमारी लामाले आइतबार फिचर लेखन प्रतियोगितामा सर्वोत्कृष्ट दुई सहित १२ जना पत्रकारलाई पुरस्कृत गरेकी हुन्। 
पत्रकार महासंघका अध्यक्ष मणिराज गौतमको अध्यक्षतामा भएको पुरस्कार वितरण  कार्यक्रममा  नेपाल पत्रकार महासंघ बागमती प्रदेशका  पुर्व अध्यक्ष प्रताप विष्ट, वर्तमान उपाध्यक्ष रुपेश दुलाल, प्रेस मञ्च नेपालका अध्यक्ष मनोज ढोडारी लगायत मकवानपुरमा क्रियाशिल पत्रकारहरुको उपस्थिती रहेको थियो । पुरस्कार वितरण कार्यक्रममा बोल्दै उपमहानगरपालिकाकी प्रमुख लामाले मकवानपुुरका पत्रकारलाई राष्ट्रिय अन्र्तराष्ट्रिय स्तरमा पुर्याउनका लागि हेटौंडा उपमहानगरले सधैं सहयोग गर्ने बताइन् । हेटौंडा उपमहानगरपालिकाभित्र भएका शिक्षा, स्वास्थ्य, पूर्वाधार, कृषि, पर्यटन लगायतका विकासको क्षेत्रमा आधारित शीर्षकको  फिचर लेखन प्रतियोगितामा १७ जनाको सहभागिता रहेको थियो ।