हेटौँडा बसपार्कबाट होटल सञ्चालक सहित ७ युवती प्रहरीको नियन्त्रणमा

१ साउन, हेटौँडा । मकवानपुर प्रहरीले हेटौँडा बसपार्कबाट एक होटलका सञ्चालक सहित ९ जना युवायुवातीलाई नियन्त्रणमा लिएको छ । आइतबार राति प्रहरीले हेटौंडा–१० बसपार्क टिसिएनरोडमा रहेको एसियन गेष्ट हाउस एण्ड रेष्टुरेन्टबाट सञ्चालक सहित ७ जना युवायुवाती पक्राउ गरेको मकवानपुर प्रहरीले जनाएको छ । 
प्रहरीले आपत्तिजनक अवस्थामा गेष्ट हाउसबाट हेटौंडा–१ चाईना क्वाटर बस्ने २६ बर्षीय प्रमिला लामा, हेटौंडा–११ थानाभ¥र्याङ बस्ने २२ बर्षीय पुजा लामा, भिमफेदी गाउँपालिका २ बस्ने २३ बर्षीय ममता लामा, त्यसैगरी सुनसरी ईटहरी नगरपालिका १० बस्ने २१ बर्षीय बिनिता राई, धरान उपमहानगरपालिका–१० बस्ने २० वर्षीय सुवर्ण राई, चितवन भरतपुर महानगरपालिका–११ बस्ने २१ बर्षीया आशु दराई, ईलामको माई नगरपालिका ८ बस्ने २६ बर्षीया मन्जिला शेर्पालाई नियन्त्रणमा लिएको मकवानपुरका प्रहरी प्रवक्ता डिएसपी टेक बहादुर कार्कीले बताएका छन् । प्रहरीले गेष्ट हाउस संचालक हेटौंडा–२ बस्ने ४१ बर्षीय बिक्रम श्रेष्ठलाई पनि नियन्त्रणमा लिएको जनाइएको छ । जिल्ला प्रहरी कार्यालय मकवानपुरले आपत्तिजनक अवस्थामा राती होटलबाट उनीहरुलाई नियन्त्रणमा लिएको बुझिएको छ । पक्राउ परेका माथि आवश्यक अनुसन्धान भइरहेको र सबैलाई जिल्ला प्रहरी कार्यालयको हिरासतमा राखिएको जनाइएको छ ।