उच्च अंक ल्याउने तिन विद्यार्थी सम्मानित

१ साउन, हेटौंडा । एसईई, बिबिए सातौं सेमष्टर र बिबिएसमा उच्च अंक ल्याउँने मकवानपुरका तीनजना विद्यार्थीलाई हेटौंडा उपमहानगरपालिकाले सोमबार सम्मान गरेको छ ।
बिभिन्न संकायमा अध्ययन गरी उच्च अंक सहित नेपाल टप गर्न सफल बिद्यार्थिहरुलाई हेटौंडा उपमहानगरपालिकाले प्रशंसा पत्र सहित दोसल्ला ओढाएर सम्मान गरेको हो । 
सम्मानित हुनेहरुमा तासिर इङ्लिस स्कुलबाट २०७९ को एसईईमा सहभागी डाफिन राइका, मकवानपुर बहुमुखि क्याम्पसबाट बिबिए सातौं सेमष्टरमा सहभागि हेटौंडा–९ की सृष्टी महर्जन र मकवानपुर क्याम्पसबाटै २०७८ सालको बिबिएसमा सहभागि हेटौंडा–६ का प्रकाश गौतम रहेका छन् ।
एसईईमा सहभागि डाफिनले ४ जिपीए, बिबिएम सातौं सेमेष्टरमा सहभागि सृष्टी र बिबिएसमा सहभागि प्रकाशले सामुदायीक क्याम्पस तर्फ नेपाल टप गर्न सफल भएका थिए । उनीहरुलाई हेटौंडा उपमहानगरपालिकका मेयर मीनाकुमारी लामा र उपमेयर राजेश बानियाँले प्रशंसा पत्र सहित दोसल्ला ओढाएर सम्मान गरेका हुन् ।
विद्यार्थीहरुलाई सम्मान गर्दै मेयर लामाले उपमहानगरले आर्थिक अभाबका कारण कसैको पनि पढाई रोकिने वातावरण बन्न नदिने दावी गरिन् । उलने नगरको शैक्षिक अवस्था सुधारका लागि उपमहानगरपालिकाले काम गरीरहेको बताइन् । 
यस्तै कार्यक्रममा उपप्रमुुख बानियाँले शिक्षामा उज्वल भविष्य बोकेका बिद्यार्थिको अध्यापनमा उपमहानगरले सधै सहयोग गर्ने बताए । उनले क्याम्सहरुमा शैक्षिक गुणस्तर कायम गर्दै राम्रा बिद्यार्थिलाई नेपालमै टिकाउन उपमहानगरपालिकाले ठोस कार्ययोजना बनाएर आगामी दिनमा काम गर्ने प्रतिवद्धता पनि व्यक्त गरे ।
कार्यक्रममा हेटौंडा उपमहानगरपालिकाका प्रमुख प्रशासकिय अधिकृत शिबराज चौलागाई, उपमहानगरका बिज्ञ सल्लाहकार कृष्ण धिताल, शिक्षा महाशाखा प्रमुख गंगाधर रिमाल, तासिर इड्डलिस बोर्डिङका प्रिन्सिपल बिनोद थपलियाको आतिथ्यता रहेको थियो ।