मातृभूमिद्वारा ६ जनालाई सम्मान

६ साउन, हेटौंडा । मातृभूमि साहित्य समाज मकवानपुरले शुक्रबार हेटौँडामा शुक्रबार शिक्षा र साहित्य क्षेत्रमा योगदान पुर्याएका ६ जना व्यक्तिहरुलाई सम्मान गरेको छ ।
समाजले शिक्षा र साहित्यमा योगदान पु¥याएको भन्दै साहित्यकार आर.आर. चौलागाई, शैलेन्द्र प्रकाश नेपाल, लकाश पौडेल, रामचन्द्र फुर्सती, मालती उप्रेतीलाई नगद सहित सम्मान गरिएको हो ।
साहित्यकार चौलगाईँलाई नगद १५ हजार राशिको श्याम श्रेष्ठ स्मृति–मातृभूमि पुरस्कार–२०७९ प्रदान गरिएको छ । यस्तै १५ हजार राशि कै ‘इश्वरी स्मृति–मातृभूमि पुरस्कार–२०७९’ बाट काठमाडौंका साहित्यकार शैलेन्द्र प्रकाश नेपालाई सम्मान गरिएको हो ।
यस्तै कार्यक्रममा १५ हजार राशिको होमनाथ बलदेवी मातृभूमि छन्द पुरस्कार–२०७९ बाट चितवनका वरिष्ठ साहित्यकार लकाश पौडेल र ‘शेखर शर्मा रिजाल स्मृति–मातृभूमि शैक्षिक सम्मान–२०७९’ मकवानपुरका रामचन्द्र आचार्य ‘फुर्सती’लाई सम्मान गरिएको छ । पुसर्तीलाई पनि १५ हजार नगद राशिबाटै सम्मान गरिएको हो ।
यसैगरी १५ हजार राशि कै ‘शेखर शर्मा रिजाल स्मृति–मातृभूमि शैक्षिक सम्मान–.२०७९’ बाटै मकवानपुरका मालती उप्रेतीलाई सम्मान गरिएको समाजका अध्यक्ष माधव पोखरेलले जानकारी दिए ।
अध्यक्ष पोखरेलले कार्यक्रम कै अवसर पारेर ‘झलकबहादुर बानियाँ जीवन संघर्ष–मातृभूमि सम्मान–२०७९’ बाट हेटौँडा–१८, हर्नामाडीमा रहेको कमला आधारभूत विद्यालयका एक विद्यार्थीलाई नगद ७ हजार ५ सय रुपैयाँ राशिसहित सम्मान गरिएको बताए । 
मातृभूमि साहित्य समाज मकवानपुरका अध्यक्ष माधव पोख्रेलको सभाध्यक्ष तथा प्रा. डा. गोविन्दराज भट्टराईको प्रमुख आतिथ्यता रहेको थियो ।
यस्तै समाजले शनिवार हेटौंडामा नगद ५१ हजार राशिको महालक्ष्मी साहित्य पुरस्कार २०७९ बाट प्रा. डा. गोविन्द राज भट्टराई र नगद ७ हजार ५ सय राशिको केशवलाल स्मृती मातृभूमी पत्रकारिता पुरस्कार २०७९ बाट पत्रकार शुरेस श्रेष्ठलाई सम्मान गर्दै छ ।