साउन १५ भित्र व्यवसायीलाई सामान सार्न सडक डिभिजनको आग्रह

११ साउन,हेटौँडा । सडक डिभिजन कार्यालय हेटौंडाले साउन १५ गते भित्र हेटौंडा मुख्य बजार क्षेत्रको २५/२५ गज  सडकसिमा भित्र परेका घर तथा संरचनामा संचालिन व्यापार , व्यवसा आफ्नो सामान सुरक्षित स्थानमा सार्न व्यवसायीलाई आग्रह गरेको छ । 
सडक डिभिजन हेटौंडाका प्रमुख राजेशप्रसाद यादवले प्रष्ट खबरसंग कुरा गर्दै यस पटक सडक विस्तार कार्य नरोकिने भन्दै सूचनानै निकालेर हेटौंडा मुख्य बजार क्षेत्रको २५/२५ गज सडकसिमा भित्र परेका व्यापार र व्यवसाय आफ्नो सामान सुरक्षित स्थानमा सार्न  व्यवसायीलाई आग्रह गरिएको बताएका छन् । 
यादवले सडक विस्तार हुदैन भनेर हाम्रो सूचनालाई अटेर गरेर अझै पनि व्यवसायीले आफ्नो व्यवसाय स्थानान्तरण नगरेको पाइएकोले सूचना प्रकाशित गरेर साउन १५ भित्र समाना स्थानान्तरण गर्न भनेको कुरा स्पष्ट पारेका छन् ।  
उनले सर्वोच्च अदालतले १५ दिन भित्र जवाफ दिन बोलाएको र २ जना घरधनीका लागि मात्र अल्पकालीन आदेश आएकोले भ्रममा नरहन भन्दै सबैलाई सडक विस्तार कार्यका यस पटक सहयोग गर्न भनेका छन् । 
डिभिजन सडक कार्यालयले यही साउन १६ गतेबाट हेटौंडा–१५ रातोमाटेदेखि हेटौंडाको राप्ती पुलसम्म एकैसाथ जुनसुकै स्थानबाट सडक विस्तार सुरु गर्ने बताएको छ । यसकालागि जेसिबि, डोजर र अन्य उपकरण तयारी अवस्थामा रहेको सुनाए । सडक कार्यालयले केही दिन अघि क्षेत्राधिकार भित्र पर्ने हेटौँडा-१५ को वडा कार्यालय र जनजागृती माविको पर्खाल र त्यहाँ बनेको संरचना भत्काइसकेको छ ।  
 यस्तो छ व्यवसायीलाई आफ्नो सामान सुरक्षित स्थानमा सार्न गरेको सूचना