शान्ति सुरक्षाका लागि र पत्रकारलाई सूचना दिने कुरामा ‘नो कम्प्रोमाइज’:एसपी रिजाल

पत्रकार भेटघाटमा बोल्दै एसपी रिजाल

१६ साउन,हेटौँडा । मकवानपुरमा भर्खरै सरुवा भई जिल्ला प्रहरी प्रमुखको कमाण्ड समाल्न मकवानपुर आएका प्रहरी उपरीक्षक (एसपी) सिताराम रिजालले पत्रकारलाई दिन मिल्ने सूचना दिने कुरामा कहिलै कम्प्रोमाइज नगरिने बताएका छन् । मंगलबार मकवानपुरका जिल्ला प्रहरी कार्यालयमा  सञ्चारकर्मीहरुसँगको भेटघाट कार्यक्रमको आयोजना गर्दै मकवानपुर जिल्लाको शान्ति सुरक्षा कायम गर्नु आफ्नो दायित्व भएको बताउदै संचारमाध्यलाई र संचारकर्मीलाई दिन मिल्ने सूचना दिन कहिले कम्प्रोमाइज नगरिने बताएका हुन् । उनले भेटघाट कार्यक्रममा बोल्दै मकवानपुरमा लागू पदार्थ दुर्व्यसनी त्यसको ओसारपसार तथा नियन्त्रणमा चुनौति रहेकोले त्यसको रोकथामका योजनाहरु सहित नियन्त्रणमा आफु प्रतिवद्ध रहेको बताएका हुन् । 
प्रहरी उपरीक्षक रिजालले पत्रकार भेटघाटमा जिल्लामा हुने संगठित अपराध तथा गुण्डागर्दी, सिमा अपराध र प्राकृतिक स्रोतको दोहन गर्नेलाई नछोड्ने बताएका छन् भेटघाट कार्यक्रममा नेपाल पत्रकार महासंघ बागमती प्रदेशका निवर्तमान अध्यक्ष प्रताप बिष्ट,जिप्रका मकवानपुरका प्रहरी नायव उपरीक्षक टेक बहादुर कार्की लगायत मकवानपुरका पत्रकारहरुको उपस्थिती रहेको थियो । रिजाल काठमाडौ प्रहरी प्रवक्ता रुपमै रहदा मकवानपुरका एसपी बामदेव गौतमको अनिवार्य अवकास भएसँगै उनको प्रहरी प्रधान कार्यालयले मकवानपुर प्रहरी प्रमुखको रुपमा काजमा पठाएको हो।