हेटौँडाको एभोकाडो होटलमा सेटिङमा जुवाको खाल,५ जना पक्राउ

१८ साउन, हेटौँडा । बागमती प्रदेशको राजधानी हेटौँडाको वडा नम्बर २ मा रहेको एभोकाडो होटलमा सेटिङमा जुवा खेलिरहेको अवस्थामा नगद सहित ५ जनालाई पक्राउ परेका छन् । बिहिबार साझ एभोकाडो होटलमा कोठा भाडामा लिएर हारजित हुने गरी जुवा खेलिरहेको छ भन्ने बिरोष सूचनाको आधारमा मकवानपुर प्रहरीको एक टोलिले नगद सहित ५ जना जुवाडेलाई पक्राउ गरेको हो । 
प्रहरीले एभोकाडो होटलको कोठा नम्बर २०८ मा हारजित हुने गरी तास खेलिरहेको अवस्थामा  हेटौंडा–१ बस्ने ४० वर्षीय बलराम विश्वकर्मा, हेटौंडा–१२ बस्ने ३५ वर्षीय दिपक घले, चितवन भरतपुर महानगर २ घर भई हाल हेटौंडा–४ बस्ने ४५ वर्षीय सुन्दरकुमार श्रेष्ठ, हेटौंडा–५ बस्ने ३४ वर्षीय सहदेव लम्साल र हेटौंडा–४ का ४२ वर्षीय प्रकाश मानन्धरलाई नगद दुई लाख ५४ हजार ४२० रुपैयाँ, २ बुक सिल भएको तास, २ बुक खुल्ला तास र जुवा खेल्न प्रयोग गरेको क्वाईन ७६ थान सहित पक्राउ गरिएको  मकवानपुरका प्रहरी प्रवक्ता डिएसपी टेकबहादुर कार्कीले जानकारी दिएका छन् । पक्राउ परेका सबैलाई आवश्यक अनुसन्धानका लागि  जिल्ला प्रहरी कार्यालयमा राखिएको जनाइएको छ। र्भखरै मकवानपुर प्रहरी प्रमुखको कमाण्ड समालेका एसपी सिताराम रिजालले जिल्लामा हुने जुवातास,अपराधलाई न्युनिकरण ,लागु औषध कारोबार र शान्ति सुरक्षा कायम गर्नका लागि  कम्प्रोमाइज नगरिने बताएका थिए ।