उच्च अदालत पाटन हेटौंडा इजलासमा दुई वर्ष अघिको एउटा मुद्धा फछर्यौट हुन बाँकी

पत्रकार भेटघाटमा बोल्दै मुख्य न्यायधीश अब्दुल अजिज मुसलमान

सुनिल शिवाकोटी
२२ साउन, हेटौंडा । उच्च अदालत पाटन हेटौंडा इजलासले १८ महिना देखी २ वर्ष नाघेका एउटा मात्र मुद्धा फछर्यौट हुन बाँकी रहेको जनाएको छ । उच्च अदालत पाटन,हेटौंडा इजलासले सोमबार पत्रकार भेटघाटको आयोजना गर्दै आर्थिक वर्ष २०७९÷०८० मा १८ महिनादेखी २ वर्ष नाघेका एउटा मात्र मुद्धा फछर्यौट हुन बाँकी रहेको जनाएको हो ।
पत्रकार भेटघाटमा अदालतका रजिस्ट्रार जगदीशप्रसाद भट्टले सरल मार्ग( ६ महिना), समान्य मार्ग ( १ बर्षं) र विशेष मार्ग (१८ महिना) गरी ३ मार्गमा विभाजन गरि मुद्धा फछर्यौट गर्नै गरेको र आर्थिक वर्ष २०७९÷०८० मा २ वर्ष नाघेका २०७८ । ०८। २१ गते दर्ता भएको मोटसाइकल चोरी सम्बन्धी एउटा मात्र मुद्धा फछर्यौट हुन बाँकी रहेको बताएका छन् । भट्टले आर्थिक वर्ष २०७९÷०८० अदालतले  १७४१ वटा मुद्दा फर्छयौट गर्ने लक्ष्य लिएकोमा १३१२ मुद्धा फछर्यौट गर्न सफल रहेको जानकारी दिएका छन । जुन अदालतको फछर्यौट भएको मुद्धा लक्ष्यको ७५ Þ३६ प्रतिशत रहेको छ ।

अदालतका रजिस्ट्रार भट्टले अदालतमा दर्ता भएका देवानी भन्दा लागू औषधको मुद्दा बढी रहेकोले गत वर्षको ४२९ मुद्दा फछर्यौट हुन बाँकी रहेको बताए । पत्रकार भेटघाटमा अदालतको यस आर्थिक वर्षमा अघिल्लो वर्षबाट ४२९ वटा मुद्धाको जिम्मेवारी सरेर आएको, गत वर्षमा १ हजार १९६ थान नयाँ मुद्धा दर्ता भएको जनाइएको छ । 

आर्थिक वर्ष २०८०÷८१ मा १ हजार २६७ नयाँ मुद्धा दर्ता हुने अनुमान गरिएको र  चालू वर्षमा १ हजार १०४ वटा मुद्धा फछर्यौट गर्ने लक्ष्य लिएको अदालतका सुचना अधिकारी केशवराज कौशिकले बताएका छन् । “उच्च अदालत पाटन हेटौँडा इजलासले पुरानवेदन मुद्धा, शुरु मुद्धा , साधक तथा रिट र निषेधाज्ञाका मुद्दाहरु हेर्ने गरेको छ“– पत्रकार भेटघाटमा कौशिकले भने । 

पत्रकार भेटघाटमा बोल्दै उच्च अदालत पाटन, हेटौंडा इजलासका मुख्य न्यायधीश अब्दुल अजिज मुसलमानले अदालत प्रतिको जनआस्था कायम राख्न मिडियाको भूमिका महत्वपूर्ण रहेको बताएका छन् । पत्रकार भेटघाटमा अदालतको आदेश,फैसला र मुद्दामा प्रयोग हुने शब्द बुझ्न कठिन भएको भन्ने पत्रकारको प्रश्नमा ? मुख्य न्यायधीश मुसलमानले छिट्टै पत्रकार महासंघको सहकार्यमा पत्रकारसँग सहजिकारण कार्यक्रमको व्यवस्थापन गरिने कुरालाई  स्पष्ट परेका थिए ।

पत्रकार भेटघाटमा बोल्दै अदालतका न्यायधीश राजेश्वर तिवारीले प्रेस राज्यको चौथो अंग रहेकोले देशमा शुसासन कायम गर्न मिडियाको भूमिका महत्वपूर्ण भएको बताए । उनले अदालतबाट हुने न्याय सम्पादकाको कार्य अब पहिलाको जस्तो नरहेको दुई बर्ष सम्मपनि  मुद्दा फछर्यौट हुन नसके ताल्लुक निकायमा लिखित प्रतिवेदन दिनुपर्ने पर्ने अवस्था रहेकोले मुद्दालाई ३ मार्गमा विभाजन गरी फछर्यौट गर्ने  गरिएको बताए।पत्रकार भेटघाटमा अदालतका न्यायधीश मेरिना श्रेष्ठ,निर्माला शाक्य सहित अदालतका कानुन अधिकृत, मकवानपुरे पत्रकारहरुको उपस्थिती रहेको थियो । उच्च अदालत पाटन, हेटौंडा इजलासले चितवन र मकवानपुरको पुनरावेदकीय भएका मुद्धा हेर्ने गर्दछ ।