स्वास्थ्य मन्त्रालयमा प्रदेश मन्त्रालयस्तरीय विकास समस्या समाधान समितिको बैठक सम्पन्न

२२ साउन, हेटौंडा । बागमती प्रदेश स्वास्थ्य मन्त्रालयको आयोजनामा प्रदेश मन्त्रालयस्तरीय विकास समस्या समाधान समितिको बैठक बसेको छ । स्वास्थ्य मन्त्री उत्तम जोशीको अध्यक्षतामा बैठक बसेको हो । 
बैठकमा स्वास्थ्य निर्देशनालय, मदनभण्डारी स्वास्थ्य विज्ञान प्रतिष्ठान, प्रदेश जनस्वास्थ्य प्रयोगशाला, स्वास्थ्य आपूर्ति व्यवस्थापन केन्द्र, तालिम केन्द्र र आयुर्वेद औषधि उत्पादन केन्द्रले आफ्नो प्रगति तथा कार्यक्रम संचालन गर्दा देखा परेका समस्याहरूबारे प्रस्तुति गरेका थिए ।
बैठकमा स्वास्थ्य मन्त्रालय मातहतका कार्यालयहरूले आव ०७९/८० मा कार्यक्रम र भौतिक एवं वित्तीय प्रगतिको समीक्षा, कार्यक्रम संचालनमा देखा परेका समस्या र समाभानका उपायबारे छलफल र प्रदेश र राष्ट्रियस्तरको विकास समस्या समाधान समितिको बैठकमा पठाउनुपर्ने समस्याहरूको पहिचान लगायतबारे छलफल भएको थियो ।
बैठकमा स्वास्थ्य सचिव बद्रीबहादुर खड्कासहित प्रदेश नीति तथा योजना आयोग, मदन भण्डारी स्वास्थ्य विज्ञान प्रतिष्ठान, स्वास्थ्य निर्देशनालय, जनस्वास्थ्य प्रयोगशाला, स्वास्थ्य आपूर्ति व्यवस्थापन केन्द्र, मन्त्रालय अन्तरगत विभिन्न कार्यालयका प्रमुख एवं प्रतिनिधिहरूको उपस्थिति रहेको थियो ।