नेपाल शिक्षक महासंघ मकवानपुरको धर्ना,नगरप्रहरीसँग घम्साघम्सी

२८ साउन, हेटौंडा । नेपाल शिक्षक महासंघ मकवानपुरले आइतबार हेटौंडा उपमहानगरपालिकामा धर्ना दिएको छ । महासंघले प्रस्तावित विद्यालय शिक्षा ऐनको विरोध गर्दै आइतबार तीन घण्टा उपमहानगरपालिकाको कार्यलय परिसरमा धर्ना दिइएको हो ।
पूर्वघोषित कार्यक्रम अन्तर्गत शिक्षक महासंघमा आवद्ध शिक्षक संगठनका प्रतिनिधिहरुले आइतबार विहान ११ बजेदेखि २ बजेसम्म मकवानपुरका सबै पालिकामा र हेटौँडा उपमहानगरको  गेटमा धर्ना दिनुका साथै सरकार र शिक्षक महासंघबिच भएको ५१ बुँदे र ३० बुँदे सहमतिको प्रतिलिपि हेटौँडाका नगर प्रमुख मिना कुमारी लामालाई बुझाएको शिक्षक संघ मकवानपुका अध्यक्ष.गणेश हुँमागाईले जानकारी दिएका छन् । धर्नाका क्रममा नगर प्रहरीसँग घम्साघम्सीनै परेको शिक्षक संघ मकवानपुरका सचिव श्रीराम लुईटेलले बताएका छन् । नगरपालिकाको मुख्य गेटमा धर्नामा रहेका शिक्षकहरुलाई नगरप्रहरीले हटाउन खोजेपछि घम्साघम्सी भएको लुईटेलले बताए । त्यसैगरी आन्दोलन अन्तर्गत मंगलबार ३० गते पनि धर्ना कार्यक्रम रहेको शिक्षक महासंघले जनाएको छ भने साउन ३२ गते भने प्रदेश स्तरिय महासंघका पदाधिकारी तथा प्रतिनिधी सहित सातवटै प्रदेशका सामाजिक विकास मन्त्रालयमा सहमती कार्यान्वयन गर्न माग गर्दै सहमतीको प्रतिलिपि बुझाउँने कार्यक्रम रहेको हुँमागाईले बताए ।
पहिलो चरणको विरोध कार्यक्रम अन्तर्गत सम्झौताका पत्र बुझाउँने तथा धर्ना दिने कार्यक्रम रहेपनि सरकारले शिक्षक संगठनहरुसँग गरेको सहमती कार्यान्वयन नगरे दास्रो चरणको आन्दोलन थाल्ने चेतावनी दिए ।दोस्रो चरणको कार्यक्रममा देशभरिका शिक्षक–कर्मचारी उपस्थित भई काठमाडौंमा लगातार बृहत् विरोध प्रदर्शन गर्ने कार्यक्रम रहेको उनले बताए । त्यसैगरी पूर्वघोषित कार्यक्रम अन्तर्गत मकवानपुरका अन्य ९ वटा स्थानीय तहमा धर्ना सहित सरकार र शिक्षक महासंघबिच भएको ५१ बुँदे र ३० बुँदे सहमतिको प्रतिलिपि पालिका प्रमुखलाई बुझाएका छन् ।