भरतपुरमा खुल्यो आरम्भ कलेज, विद्यार्थीलाई १ लाख बराबरको छात्रवृत्ति

३० साउन,हेटौँडा । मध्य तराईको चितवन जिल्लाको मुटु भरतपुरमा आरम्भ कलेज खुलेको छ । फरक शैली र फरक प्रणालीको आधारमा सरकारको पढ्दै कमाउँदै भन्ने नीतिलाई आत्मसाथ गर्दै यसै बर्षबाट आरम्भ कलेज संचालनमा आउने भएको हो ।यस बर्षको भदौबाट भरतपुर महानगरपालिका वडा नम्बर–११  बाइपासरोड स्थित नहरचोकमा दुई वटा भवनबाट कक्षा संचालनको तयारी गरेको कलेजका प्रिन्सिपल सुरज शिवाकोटीले बताएका छन् ।  
कलेजको स्थापना भएसँगै चितवन,मकवानपुर,नवलपुरका विद्यार्थीले उच्च शिक्षाका लागि काठमाडौँ धाउनुपर्ने बाध्यात्मक अवस्थाको अन्त्य हुने प्रिन्सिपल शिवाकोटीको दावी रहेको छ । लामो समय कलेज सञ्चालनको अनुभव गरेका व्यक्तीको टिमबाट संचालन गरिएको कलेजमा पहिलो वर्षमा भर्ना भएका प्रत्येक विद्यार्थीलाई १÷१ लाख बराबरको छात्रवृत्ति समेत प्रदान गरिने शिवाकोटीले बताए । 
“हाम्रो टिम फरक शैली र गुणस्तरीय शिक्षाका लागि कटिबद्ध छ,पहिलो बर्ष अफर स्वरुप छात्रवृत्ति घोषणा गरेका हौ, एक करोड बत्तीस लाख बराबरको छात्रवृत्ति प्रदान गर्छौ”। – प्रिन्सिपल शिवाकोटीले भने । 
देशकै जेठो त्रिभुवन विश्वविद्यालयबाट सम्बन्धन प्राप्त कलेजमा ब्याचलर इन होटल म्यानेजमेन्ट र ब्याचलर अफ इन्फर्मेसन म्यानेजमेन्ट अध्यापन हुने कलेजले जनाएको छ । १२ कठ्ठा क्षेत्रफलमा रहेको कलेजमा बास्केटबल कोर्ट, फुटसल,पौडी पोखरी र सभाहल हरेको र विद्यार्थीलाई शैक्षिक भ्रमण र अवलोकन कार्यलाई प्राथमिकतामा राखिएको जनाइएको छ । चितवन सहित बागमती प्रदेशकै अब्बल शैक्षिक क्षेत्रको रुपमा स्थापति हुने कलेजले दाबि गरेको छ ।