मकवानपुरमा गाँजा र बन्दुक बरामद

४ पुस, हेटौँडा । वडा प्रहरी कार्यालय, हेटौँडा बाट प्रहरी निरीक्षक शिवराज बुढाथोकीको कमाण्डमा खटि गएको प्रहरी टोलीले मकवानपुरगढी गाउपालिका वडा नम्बर ४ कुसुमटार जंगलबाट ६२ वर्षिय  राम बहादुर गोलेलाई लोड गरिएको भरुवा बन्दुक सहित पक्राउ गरेको छ ।

 गस्तिका क्रममा प्रहरीले गोलेलाई भरुवा बन्दुक बोकी हिडि रहेको अवस्थामा पक्राउ गरिएको प्रहरीले जनाएको छ । उनको साथबाट  बारुद ३० ग्राम पनि पक्राउ गरिएको थियो ।  उनलाई जिल्ला अदालत बाट १० दिनको म्याद थप गरी अनुसन्धान भईरहेको जिल्ला प्रहरी कार्यालय मकवानपुरले जनाएको छ ।

यस्तै,ईलाका प्रहरी कार्यालय मनहरी मकवानपुरबाट प्रहरी निरीक्षक चित्र बहादुर घलेको कमाण्डमा खटिएको प्रहरी टोलीले गाँजा र भरुवा बन्दुक बरामद गरेको छ । प्रहरीले एक सय किलो अबैध लागू औषध गाँजा र १ थान भरुवा बन्दुक बरामद गरेको हो ।

मनहरी गाउपालिका वडा नम्बर ६ रुपाचुरीका सेतेलाल थिंङको घरमा अबैध लागू औषध गाँजा रहेको भन्ने सूचनाका आधारमा पुगेको प्रहरीले घरबाट ४ वटा पोकामा राखेको गाँजा बरामद गरेको हो । उनलाई जिल्ला अदालत मकवानपुरबाट ७ दिनको म्याद थप गरी अनुसन्धान भईरहेको प्रहरीले जनाएको छ ।