प्रदेशसभा सदस्य श्रेष्ठको सचिवालय उद्घाटन

८ भदौ, हेटौंडा । बिहीबार हेटौंडामा बागमती प्रदेशसभा सदस्य लक्ष्मी श्रेष्ठको सम्पर्क सचिवालयको उद्घाटन गरिएको छ । नेपाली कांग्रसकी केन्द्रीय सहमहामन्त्री महालक्ष्मी उपाध्याय डिनाले सचिवालयको उद्घाटन गरेकी हुन् । 
सचिवाल उद्घाटन कार्यक्रममा बागमती प्रदेश सरकारका मन्त्रीहरु बहादुर सिं लामा, रामकृष्ण चित्रकार, तीर्थबहादुर लामा र उत्तम जोशीको पनि उपस्थिति रहेको थियो ।
कार्यक्रममा प्रदेश सरकारका मन्त्रीहरूले प्रदेश सरकारले नागरिकले अनुभूति गर्ने गरी प्रदेश सरकारले काम गर्ने बताएका छन् । मन्त्रीहरुले संघीय संरचना अनुसारको प्रदेश भएको र नागरिकले प्रदेश सरकार भएको अनुभूति गर्ने गरी काम गर्ने प्रतिबद्धता जनाएका हुन् ।
उनीहरूले नागरिकको मतबाट निर्वाचित भएर आएकाले नागरिकको सम्मान र समृद्धिका लागि काम गर्ने बताएका थिए ।
कार्यक्रमको प्रमुख अतिथि रहेकी कांग्रेसका सहमहामन्त्री महालक्ष्मी उपाध्याय डिनाले प्रदेश राजधानी हेटौंडालाई बनाउन कांग्रेसको महत्वपूर्ण भूमिका रहेको स्मरण गर्दै प्रदेश राजधानी हेटौँढा बनेसँगै यहाँको विकासको ढोका खुलेको दावी गरिन् ।
उनले प्रदेशभरका नागरिकले सरकार भएको अनुभूति गर्न पाउनुपर्ने भन्दै नागरिकका पक्षमा शिक्षा. स्वास्थ्य, पूर्वाधारलगायतका कार्यक्रम बनाएर कार्यान्वयन गर्न उनले मन्त्रीहरुलाई निर्देशन समेत दिइन् ।
बागमती प्रदेशसभा सदस्य लक्ष्मी श्रेष्ठको अध्यक्षतामा भएको कार्यक्रममा नेपाली कांग्रेस मकवानपुरका सचिव ईश्वर पाठक, हेटौंडा उपमहानगर सभापति उत्सव ईटेनी लगाएत प्रदेश सांसदहरु तथा कांग्रेसका नेता तथा कार्यकताहरुको आतिथ्यता रहेको थियो ।