हेटौंडामा तेस्रो मिस्टर मकवानपुर प्रतियोगिता हुने

८ भदौं,हेटौंडा । नेपाल शारीरिक सुगठन तथा फिट्नेस महासंघ मकवानपुरले मिस्टर मकवानपुर-२०८० आयोजना गर्ने भएको छ ।महासंघले आगामी असोज १३ गते तेस्रो मिस्टर मकवानपुरको आयोजना गरिने जनाएको छ । शुक्रबार हेटौंडामा पत्रकार सम्मेलनको आयोजना गर्दै यस बारे जानकारी गराइएको  छ ।

पत्रकार सम्मेलनमा बोल्दै महासंघका अध्यक्ष राजेश भेटवालले कोभिडको महामारिका कारण रोकिएको र यस पटक हुने प्रतियोगितामा ५५,६०,६५,७०,७५ केजी तौल समूहमा प्रतिस्पर्धीलाई सहभागिता गराउने र राष्ट्रिय निर्णायकहरुले रहेने बताए ।प्रतियोगितामा प्रत्येक तौल समूहको विजेतालाई १० हजार प्रदान गरिने जनाइएको छ । 

त्यस्तै, मिस्टर मकवानपुरको विजेतालाई एक लाख, दोस्रो स्थान हुनेलाई ५० हजार र तेस्रो स्थान हुनेलाई तीस हजार नगद सहित ट्रफि मेडल प्रदान गरिने कार्यक्रम संयोजक सुनील लोप्चनले बताए। प्रतियोगितामा खेलाडी बढी प्रस्तुत गर्ने क्लबलाई वेस्ट क्लब घोषणा गर्दै नगद २५ हजारले सम्मान गरिने लोप्चनले भने। साथै पुराना खेलाडी र खेलको प्रवर्धन गर्ने पत्रकारिता क्षेत्र, सामाजिक क्षेत्र, खेलकुद शिक्षा क्षेत्रका एक/एक जना व्यक्तित्वलाई सम्मान गरिने अध्यक्ष भेटवालले बताए । 
प्रतियोगितामा करिब ५० जनाले सहभागिता जनाउने अनुमान गरिएको छ ।जिल्लाभित्र रहेका करिब ६ वटा फिट्नेस क्लबलका खेलाडीहरु प्रस्तुत गर्ने अध्यक्ष भेटवालले बताए  ।
नेपाल शारीरिक सुगठन तथा फिट्नेस महासंघ बागमती प्रदेशका कोषाध्यक्ष सुनील अधिकारीको प्रमुख आतिथ्यतामा पत्रकार सम्मेलन सम्पन्न भएको हो । प्रतियोगिताको अनुमानित खर्च १२ लाख रहने पत्रकार सम्मेलनमा जनाईएको छ । कार्यक्रम असोज १३ गते  हेटौंडा-२ माँ रहेको पल्पसा हलमा हुनेछ ।