मकवानपुर प्रहरीको अनुसन्धानमा यूटर्न,अपहरणको नाटक गरेका प्रजा पक्राउ

१० भदौँ,हेटौँडा । मकवानपुर प्रहरीले अपहरणको नाटक गर्ने एकजनालाई पक्राउ गरेको छ । एक साता देखी हराइरहेका राक्सिराङ गाउँपालिका वडा नम्बर ५ बस्ने ४६ वर्षका कुमार प्रजा प्रहरीले पक्राउ गरेको हो।प्रजाले आफु अपहरणमा परेको आफ्नी श्रीमतीलाई फोनमा बताएका थिए । 

उनलाई लुकीछिपी बसेको अवस्थामा प्रहरीले मनहरी गाउँपालिका वडा ४ नयाँबस्तीस्थित सुर्य बहादुर प्रजाको घरमा फेला परेको हो । यस घटनाको बारेमा मकवानपुर प्रहरीले आइतबार पत्रकार सम्मेलन गर्दै प्रजालाई पक्राउ गरिएको बताएको हो । उनी यहीँ भाद्र ३ गते विहानको समयदेखी आफ्नो घरबाट हराइएको र परिवारसँग सम्पर्क विहिन भएका थिए ।
पत्रकार सम्मेलनमा बोल्दै मकवानपुरका प्रहरी प्रमुख प्रहरी उपरीक्षक(एसपी) सिताराम रिजालले प्रजा र सोही ठाउँमा बस्ने निर्मल भन्ने सानु बाबु रुम्बा बीचमा आर्थिक लेनदेन रहेको र दुवै जना बीच वादविवाद भएकोमा रुम्बाले उनलाई बेपत्ता पारी अपहरण समेत गरेको हुन सक्ने भन्दै प्रजाकी श्रीमति आईती माया चेपाङले श्रीमानको खोजतलास गर्न र रुम्बाको आवश्यक कारबाहीका लागि  जिप्रका मकवानपुरमा निवेदन दिएको बताए । 
इलाका प्रहरी मनहरीले कुमार प्रजाको हुलियाका साथ खोजतलास तथा निजको बारेमा गोप्य रुपमा अनुसन्धान गर्दा श्रीमती र अन्य परिवारका सदस्यहरुसँग निरन्तर टेलिफोन सम्पर्कमा रहेको समेत खुल्न आएकोले घटना अपहरण नभई अपहरणको नाटक भएको हुन सक्ने भन्द्रै प्रहरीले अनुसन्धानलाई युटर्न गर्दै लुकेर बसेको घटनास्थल पुगेर प्रजालाई पक्राउ गरिएको एसपी रिजालले पत्रकार सम्मेलनमा बताए । घटनाको आवश्यक अनुसन्धान गरिरहेको एसपी रिजालले बताए ।