भ्रष्टाचारीमा प्रधानन्त्री कै नाम आएपनि छानविन हुने 

१३ भदौ, हेटौंडा । माओवादी केन्द्रका उपमहासचिव एवं पूर्व अर्थमन्त्री जनार्दन शर्माले भ्रष्टाचारमा प्रधानमन्त्री पुष्पकमल दाहाल प्रचण्ड कै नाम आएपनि छानविन हुने दावी गरेका छन् । 
भ्रष्टाचार तथा सुन तस्करी प्रकरणमा जोडिएका माओवादी पार्टीका नेताहरु माथि पनि छानविन गर्नुभन्ने प्रधानमन्त्री पुष्पकमल दाहाल ‘प्रचण्ड’को निर्देशन भएको बताएका छन् । 
मंगलबार हेटौंडामा आयोजित पत्रकार सम्मेलनमा बोल्दै नेता शर्माले तथ्य र प्रमाण पुगेको खण्डमा राज्यका अनुसन्धान गर्ने निकायले सरकारको नेतृतव गरिरहेको दल वा अन्य कोहीलाई पक्राउ गरेर अनुसन्धान अघि बढाउन प्रधानमन्त्री प्रचण्डले सम्बन्धीत निकायलाई निर्देशन दिएको उनले बताए ।
‘सम्भवत् नेपाल प्रहरीको केन्द्रीय अनुसन्धान व्यूरो (सिआइवी)ले अनुसन्धान प्रक्रिया अघि बढाइरहेको छ । तथ्य र प्रमाण पुगेको खण्डमा जो केही माथि पनि अनुसन्धान हुन सक्छ । पुष्ट भए कारवाही पनि हुन्छ ।’ उनले भने ।
भ्रष्ट्राचार विरोधी अभियान अन्तर्गत विभिन्न प्रकरणहरु माथि छानविन गर्ने प्रक्रिया जारी रहेको उनले बताए । राज्यका निकायहरुले गरेको छानवीन तथा अनुसन्धानलाई प्रभाविपत पार्नेगरी भ्रम सृजना गर्ने काम भइरहेको उनले बताए । भ्रष्ट्राचारका प्रकरणहरुलाई राजनीति करण गर्ने काममा विभिन्न माध्यमबाट भइरहेको उनको भनाई छ ।
उनका अनुसार निकायगत रुपमा सुन तस्करीका घटना अर्थ र गृह मन्त्रालयसंग जोडिएको भएपनि घटनासंगको संलग्नता पुष्ट गर्न तथ्यहरु प्रमाणित हुन जरुरी रहेको छ । सो विषयमा छानवीन तथा अनुसन्धान गर्न लामो समयको संसदको अवरोध पश्चात उच्च स्तरिय समिति पनि गठन भएको र सिआइवीेले पनि छानवीन गरिरहेकाले थप तथ्यहरु माथि अध्ययन हुने भएकाले घटनाको वास्तविकता प्रष्ट हुने उनले बताए ।