बुङदल वनको अध्यक्षमा अधिकारी चयन 

१६ भदौ, हेटौंडा । मकवानपुरगढी–५ मा रहेको बुङ्दल सामुदायिक वन उपभोक्ता समूहको २८ औं वार्षिक साधारणसभा शुक्रवार भएको छ । भेलाले भीमबहादुर अधिकारीको अध्यक्षतामा ९ सदस्यीय नयाँ कार्यसमिति सर्वसम्मत चयन भएको छ । 
समितिको उपाध्यक्षमा राधिका छत्कुली, सचिव ज्ञानेन्द्रप्रसाद दुलाल, सहसचिव गोविन्दराज दुलाल, कोषाध्यक्ष सम्झना दाहाल, सदस्यमा गणेशबहादुर वाइवा, अनिता घिमिरे, रिना श्रेष्ठ र बिन्दा गौतम चयन भएको निर्वाचन समिति संयोजक ईन्द्रबहादुर कार्कीले बताए । 
भेलाको उदघाटनमा समूहका सचिव सम्झना दाहालले प्रगति प्रतिवेदन र कोषाध्यक्ष राजेश अधिकारीले आव.२०७९÷०८० को लेखापरीक्षण प्रतिवेदन तथा चालु आर्थिक वर्ष २०८०÷०८१ को लागि २१ लाख ४५ हजारको अनुमानित बजेट पेश गरेका थिए । 
भेलामा ज्येष्ठ उपभोक्ता ईमानसिंह वाईवा, काशीनाथ घिमिरे, विष्णुकुमारी घिमिरे, शकुन्तला छत्कुली, प्रावि तर्फ उत्कृष्ट अंक हासिल गरेका विराज गौतम, शिखा दुलाल, मावि तर्फ उत्कृष्ट अंक हाँसिल गरेकी चरुमती दुलाल र रेसु अधिकारीलाई नगद सहित सम्मान गरिएको थियो ।
मकवानपुरगढी–५ का वडा अध्यक्ष दिपेश दाहालको प्रमुख आतिथ्यता एवं समूहका अध्यक्ष चन्द्रप्रसाद दुलालको अध्यक्षतामा साधारणसभा भएको साधारणसभामा सव डिभिजन वन कार्यालय मकवानपुरगढीका प्रमुख डटेन्द्रकुमार गोले, सामुदायिक वन उपभोक्ता महासंघ मकवानपुरगढीका अध्यक्ष बलराम अधिकारी, सचिव दुर्गा घोरसाईनी, महासंघ हेटौंडाका अध्यक्ष शम्भुप्रसाद न्यौपाने, नमुना सामुदायिक वनका अध्यक्ष खडानन्द न्यौपाने, थाकलडाँडा सामुदायिक वनका अध्यक्ष ईन्द्रबहादुर बस्नेत, मनकामना सामुदायिक वनका अध्यक्ष सर्कलाल लो, शारदा माविका प्रधानाध्यापक ईन्द्रबहादुर कार्की, रानी सामुदायिक वनका कार्यालय सचिव भीमसेन पौडेललगायतको आतिथ्यता रहेको थियो ।