पत्रकार महासंघ मकवानपुरको फिचर सङ्गालो पुस्तक बिमोचन

२० भदौ,हेटौंडा । हेटौंडामा फिचर सङ्गालो पुस्तक बिमोचन  गरिएको छ।नेपाल पत्रकार महासंघ मकवानपुर शाखाले प्रकाशन गरेको फिचर सङ्गालो पुस्तक बुधबार बिमोचन गरिएको हो । 
पत्रकार महासंघ मकवानपुरको  सभाहलमा भएको कार्यक्रममा महासंघका केन्द्रीय अध्यक्ष विपुल पोखरेलको प्रमुख आतिथ्यतामा रहेको थियो। 

कार्यक्रममा महासंघ बागमती प्रदेश अध्यक्ष शिवप्रसाद देवकोटा, हेटौंडा उपमहानगरपालिकाका प्रवक्ता एंव वडा १ का वडाध्यक्ष सविन न्यौपाने, वडा नम्बर ४ का वडाध्यक्ष नवीन सिग्देल, महासंघ केन्द्रीय सदस्य सुनील खड्का, महासंघ जिल्ला पुर्व अध्यक्ष भानुभक्त आचार्यले संयुक्त रुपमा पुस्तक विमोचन गरेका थिए।  कार्यक्रम महासंघ मकवानपुर अध्यक्ष मणिराज गौतमको सभाध्यक्षतामा भएको थियो । कार्यक्रमा बागमती प्रदेश उपाध्यक्ष रुपेश दुलाल, मनहरी गाउँपालिका अध्यक्ष रंजन कालाखेती लगायातको उपस्थिति रहेको थियो। 

फिचर सङ्गालो पुस्तकमा महासंघले आयोजना गरेको दुई चरणमा गरिएको फिचर प्रतियोगिताका उत्कृष्ट भएका फिचरहरु समेटिएको जनाइएको छ ।हेटौंडा उपमहानगरको सहयोग तथा पत्रकार महासंघको आयोजना गरिएको फिचर लेखन प्रतियोगितामा उत्कृष्ट भएको फिचरहरु समेटिएको पुस्तक विमोचन गरिएको हो ।