कोशी प्रदेशका मुख्यमन्त्री थापा पुन: पदमुक्त

२१ भदौं, हेटौंडा । कोशी प्रदेशका मुख्यमन्त्री उद्धव थापा दोस्रो पटक पदमुक्त भएका छन्। असंवैधानिक तरिकाले मुख्यमन्त्री बनेको भन्दै परेको रिटमा फैसला गर्दै उनलाई यस अधि मुख्यमन्त्री बनेको २२ दिनमा सर्वोच्च अदालतले पदमुक्त गरेको थियो। पुन: दोस्रो पटक मुख्यमन्त्री बनेका थापा ३८ दिनमा सर्वोच्चबाटै पदमुक्त भएका हुन् ।
प्रदेशसभाको अध्यक्षता गरेका व्यक्तिलाई जबरजस्ती आफ्नो पक्षमा मतदान गराउने सत्ता गठबन्धनको प्रयासलाई अदालतले फेरि असंवैधानिक ठहर गरेको हो । सर्वोच्च अदालतले बिहीबार दोस्रोपटक पनि थापालाई मुख्यमन्त्री पदबाट मुक्त गरिदिएको छ। यसअघि असार १५ मा प्रदेश सभामा विश्वासको मत लिने बेलामा जम्मा ४६ मत मात्रै पाएपछि एमाले नेता कार्की मुख्यमन्त्रीबाट पदमुक्त बनेका थिए । ९३ सदस्यीय प्रदेश सभामा बहुमतका लागि ४७ मत आवश्यक पर्छ । 
कोशीमा सत्ता गठबन्धनका दलहरूसँग बहुमतका लागि आवश्यक संख्या ४७ ठ्याक्कै थियो, अहिले पनि छ। तर, तिनै ४७ मध्ये एक जनाले प्रदेशसभा बैठकको अध्यक्षता गर्नुपर्ने बाध्यता आइलागेपछि गठबन्धनलाई आफूसँग भएको बहुमत पनि काम नलाग्ने बनेको हो। त्यसैगरी ४८ घण्टा भित्र प्रदेशसभामा रहेको सबैभन्दा ठूलो दलको संसदीय दलको नेतालाई मुख्यमन्त्री नियुक्त गर्न सर्वोच्चले आदेश दिएको छ ।