जनकल्याण सहकारीले मनायो २८ औं स्थापना दिवस

२४ भदौं, हेटौडा । हेटौडा–६ चौघडामा रहेको जनकल्याण बचत तथा ऋण सहकारी संस्थाले आफ्नो २८ औं स्थापना दिवस मनाएको छ । संस्थाका संस्थापक अध्यक्ष बासुदेव अधिकारीको प्रमुख आतिथ्यता एवम संस्थाका अध्यक्ष हिमाल पौडेलको सभाध्यक्षतामा एक कार्यक्रमको आयोजना गर्दे संस्थाले आफ्नो २८ औं स्थापना दिवस मनाएको हो ।

स्थापना दिवसको अवसरमा आइतबार शुभकामना आदनप्रदान तथा चियापान कार्यक्रमको आयोजना गरिएको थियो।अन्तरक्रिया कार्यक्रममा सहभागीहरुले अहिले सहकारी संस्थाहरु अप्ठेरो अवस्थामा रहेकाले सञ्चालक समितिले सावधानीपूर्वक काम गर्नु पर्नेमा जोड दिएका थिए । संस्थामा आवद्ध शेयर सदस्यहरुलाई विश्वासमा लिई काम गर्नुृ पर्ने भन्दै सहभागीहरुले जनकल्याणको नामलाई सदैव उच्च स्थानमा राख्नु पर्ने बताएका छन् । कार्यक्रममा संस्थाका पूर्व अध्यक्ष रघुप्रसाद आचार्य, पूर्व उपाध्यक्ष खिल प्रसाद गौतम, उपाध्यक्ष श्याम प्रसाद भट्टराई, संस्थाका सचिव रोम बहादुर न्यौपाने लगायत सल्लाहकार, सञ्चालक समिति, सञ्चारकर्मी, कर्मचारी, शेयर सदस्य लगायतको सहभागिता थियो । २०५३ साल भदौ २४ गते स्थापना भएको सहकारीको शेयर पूँजी २ करोड ५५ लाख,निक्षेप २१ करोड २२ लाख ,ऋण लगानी १९ करोड ८० लाख रहेको र सहकारीमा २ हजार ८ सय ५० जना शेयर सदस्यहरु आवद्ध रहेको सहकारीका ब्यवस्थापक दिपेन्द्र गौतमले बताए । सहकारी स्थापना भएको सम्झनामा साँझ कार्यालय परिसरमा दिप प्रज्जवलन समेत गरिएको छ ।