भदौ ३० गते हेटौंडामा ‘दि एक्स’ ब्याण्डको सांगितिक प्रस्तुति 

२६ भदौ, हेटौंडा । हेटौंडामा पहिलोपटक चर्चित सांगीतिक ब्याण्ड ‘दि एक्स’ले सांगितिक प्रस्तुति दिने भएको छ । नेपाल डाइरिज हेटौंडा प्रालिको आयोजनामा आगामी भदौ ३० गते शनिबार सांगित कार्यक्रम हुने भएको हो ।
नेपाल डाइरिज हेटौंडाका सल्लाहकार विकेशलाल श्रेष्ठले ‘दि एक्स’ले हेटौंडा–५ मा रिगल हेटौंडा रिसोर्टमा ब्याण्ड सहितको सांगितिक प्रस्तुति दिने जानकारी दिए । उनले शिक्षाका लागी संगित भन्ने मूल उदेश्यका साथ सांगितिक कार्यक्रम गर्न लागिएको बताए ।
शिक्षाका लागि संगित भन्ने नाराका साथ ब्याण्डलाई पहिलो पटक हेटौंडा ल्याउने तयारी गरेको कार्यक्रम संयोजक समिर सापकोटाले जानकारी दिए । सःशुल्क हुने सांगितिक कार्यक्रमबाट संकलन भएको रकमले उच्च शिक्षाबाट बन्चित रहेका मकवानपुरका ग्रामिण क्षेत्रका विद्यार्थीहरुलाई सहयोग गर्ने पनि सापकोटाले बताए ।
सांगितिक कार्यक्रम हेर्नका लागी एक हजार रुपैयाँको टिकत लाग्ने संयोजक सापकोटाले जानकारी दिए । एक हजार टिक बिक्री गर्ने लक्ष्य राखिएकोमा अहिलेसम्म चारसय टिक विक्रि भइसकेको र दुईसय टिकट बुकिङ भएको उनले बताए ।
उनका अनुसार कार्यक्रम शनिबार अपराह्न ४ बजेदेखि राति १० बजेसम्म संचालन हुनेछ । १० लाख रुपैयाँ संकलन गर्ने लक्ष्य राखेको सहित कार्यक्रम आयोजनको तयारी तीव्र बनाइएको उनको भनाई छ । उनका अनुसार कार्यक्रमका लागि करिब ७ लाख रुपैयाँ खर्च हुने अनुमान गरिएको छ ।