हेटौंडाका चिकित्सक र स्वास्थ्यकर्मीद्वारा इमर्जेन्सीबाहेकका सेवा ठप्प

फाइल तस्बिर

२९ भदौ, हेटौंडा । हेटौंडा-१ मा रहेको सन्चो अस्पतालमा कार्यरत डाक्टर विकास थापा तथा प्रशान्त विडारीमाथि कुटपिटमा संलग्नलाई कारबाहीको माग गर्दै नेपाल चिकित्सक संघमाआवद्ध हेटौंडाका चिकित्सक र स्वास्थ्यकर्मीले सेवा ठप्प पारेका छन् ।
२०८० भदौ २७ गते अस्पतालमा कार्यरत रहेको अवस्थामा डा. विकाश थापा र डा. प्रशान्त विडारी माथि ज्यान मार्ने उद्धेश्यसहित गम्भिर घाईते बनाइएको र घटना भएको ४८ घण्टा बितिसक्दा पनि दोषिहरुलाई पक्राउ नगरेको र कानुनी दायरामा नल्याएको हुनाले मकवानपुर जिल्लाका स्वास्थ्य संस्थामा कार्यरत सम्पूर्ण चिकित्सकहरुले घटनाप्रति घोर भर्त्सना गरेको जनाइएको छ । उनीहरूले आज भदौ २९ गते देखि सम्पूर्ण चिकित्सकहरु इमर्जेन्सी बाहेका अन्य स्वास्थ्य सेवाहरु संञ्चालन गर्न असमर्थ रहेको समेत जनाएका छन् । यसबाट उत्पन्न हुने जुनसुकै परिस्थितीको जिम्मेवार नेपाल सरकार हुने उनीहरूको भनाई छ ।
डेंगु संक्रमणको कारण एक महिना अघि मृत्यु भएका हेटौँडा-१२ का ४१ वर्षीय राजेश प्रधानको उपचारमा लापरबाही भएको भन्दै उनका आफन्त सहितको केहि युवाको समूहले बुधवार दुई जना डाक्टरलाई अस्पताल भित्रै प्रवेश गरेर कुटपिट गरेको घटनापछि काम गर्ने वातावरण नभएको आन्दोलनमा उत्रेका चिकित्सक तथा स्वास्थ्यकर्मिले सामुहिक राजीनामा दिएका दिइसकेका छन् ।